பழனிபாபா இணையதளம் தங்களை அன்புடன் வரவேற்கிறது

காந்திப் படுகொலையும்! ஹிந்துத்துவா அரசியலும்!

2012-01-30T00:00:00.000-08:00

சுதந்திர இந்தியா ஒவ்வொரு வருடமும் அக்டோபர் 2-ஆம் தேதியை காந்தி பிறந்த தினமாகவும், ஜனவரி 30-ஆம் தேதியை இரத்தசாட்சி தினமாகவும் அனுஷ்டித்து வருகிறது. ஆனால், காந்தி ஏன் கொல்லப்பட்டார்? என்பது மறந்துபோன ஒன்றாக மாறிவிட்டது.

காந்தி என்ற மகாத்மா, அவரைக் கொன்ற கொலைகாரன் கோட்ஸே, அவனது கும்பல் பரப்புரைச் செய்த அரசியல் சித்தாந்தம், அன்று நீடித்த தேசிய சூழல், சர்வதேச சூழல்கள், நீதிமன்றத்தில் கோட்ஸே வெளியிட்ட காரணங்கள்-ஆகியவற்றை இணைக்க முயன்றால் பல இடங்களில் பொருத்தமில்லாமையை நாம் உணரலாம். ஆகையால் காந்தி படுகொலை குறித்த மீளாய்வில் கூடுதலாக ஏதேனும் கூறவேண்டியது அவசியமாகும்.

1966-ஆம் ஆண்டுவரை காந்தி படுகொலை குறித்த ஆவணங்கள் மறைத்து வைக்கப்பட்டதற்கு மக்களின் மறதிக்கு நீண்ட ஆயுள் உண்டு என்பதுதான் காரணமா?

1948-ஆம் ஆண்டு ஜனவரி மாதம் 30-ஆம் தேதி மாலை 5.10 க்கு பிர்லா ஹவுஸிலிருந்து பிரார்த்தனை ஹாலிற்கு புறப்பட்டுச் சென்ற காந்தியடிகளை வினாயக் நாதுராம் கோட்ஸே என்பவன் வழியில் தடுத்து நிறுத்தி துப்பாக்கியால் சுட்டுக் கொன்றான். கோட்ஸேயை தவிர காந்தியடிகளுடன் வந்தவர்கள் அனைவரும் பயந்து ஓடினர். தப்பிக்க கூட முயலாமல் கோட்ஸே தனது இரு கரங்களையும் நீட்டி போலீசாரை அழைத்து தன்னை கைது செய்ய கோரினான்.

பின்னர் நடந்த விசாரணையில் கோட்ஸே நீதிமன்றத்தில் 5 மணிநேரம் கொலையை நியாயப்படுத்தி வாக்குமூலம் அளித்தான். காந்தியை கொலை செய்தது குறித்து பெருமைக் கொள்வதாகவும், இக்கொலை முன்னரே நிகழ்த்தியிருக்க வேண்டியது எனவும் கூறினான்.

கோட்ஸே காந்தியை கொலைச் செய்ய கூறிய முக்கிய காரணங்களை பார்ப்போம்:

‘ஹிந்து-முஸ்லிம் பிரச்சனைகளில் காந்தி முஸ்லிம்களை திருப்திப்படுத்துவதிலேயே குறியாக இருந்தார். ஜின்னாவின் தேசப் பிரிவினைக்கு ஆதரவளித்தார். பிரிவினைக்கு பிறகும் அரசு கருவூலத்திலிருந்து பங்குத் தொகையான 55 கோடி ரூபாயை பாகிஸ்தானுக்கு அளிக்கவேண்டும் என காந்தி இந்தியாவுக்கு நிர்பந்தம் அளித்தார். பிரிவினையை தொடர்ந்து உருவான கலவரத்தில் காந்தி ஹிந்துக்களை நிராயுதபாணிகளாக மாற்றினார். காந்தி பாகிஸ்தானின் தேசத் தந்தையாவார்.’ என்பதாகும்.

கோட்ஸேவின் இக்கூற்று உண்மைக்கு உகந்ததா? என்பதை ஆராய நீதிமன்றம் தயாராகவில்லை. குற்ற ஒப்புதல் வாக்குமூலத்தை முக்கியத்துவம் வாய்ந்ததாக கருதி நீதிமன்றம் தண்டனையை வழங்கியது. கோட்ஸே, நாராயணன் ஆப்தே ஆகியோருக்கு மரணத் தண்டனையும், இதர நான்கு பேருக்கு ஆயுள்தண்டனையும் விதிக்கப்பட்டன. சாவர்க்கர் மீதான குற்றத்திற்கு ஆதாரமில்லை எனக்கூறி நீதிமன்றம் அவரை விடுவித்தது. காந்தி படுகொலையின் முக்கிய சூத்திரதாரியான சவர்க்கரை குற்றமற்றவர் என கூறி நீதிமன்றம் விடுதலைச் செய்தது விவாதத்தை கிளப்பியது. பின்னர் காந்தி படுகொலையை குறித்து மறுவிசாரணை நடத்திய கபூர் கமிஷன் கண்டறிந்தது என்னவெனில் காந்தி படுகொலையில் சாவர்க்கர் முக்கிய சூத்திரதாரி என்பதாகும். இதுக்குறித்து மீண்டும் ஆய்வுச்செய்தால் மேலும் பல உண்மைகள் வெளிவரலாம். விசாரணையின் போது காந்திக்கு எதிராக கோட்ஸே முன்வைத்த குற்றச்சாட்டுகளின் உண்மை நிலையை குறித்து புரிந்துக் கொள்வதற்கான மீளாய்வை காந்தியிலிருந்தே நாம் துவங்குவோம்.

காந்தியைப் பொறுத்தவரை அவர் தீவிரமான மத நம்பிக்கையாளர். தனது மத நம்பிக்கையின் ஒரு பகுதிதான் அரசியல் என உறுதியாக நம்பிய மதசார்பற்ற கொள்கைவாதி. காந்தியின் கொள்கைகளான அகிம்சை, ட்ரஸ்ட்ஷிப் சித்தாந்தம், பசுவதை தடை, வர்ணாசிரம சித்தாந்தம், ராமராஜ்யம்-இவற்றையெல்லாம் உருவாக்குவதில் காந்தியின் ஹிந்துமத நம்பிக்கை மிகவும் ஆதிக்கம் செலுத்தியது. சுருக்கமாக காந்தி ஒரு பழமைவாத ஹிந்து ஆவார்.

தீண்டாமைக்கு எதிராக போராடும்போது கூட அவர் ஜாதீய கட்டமைப்பை ஆதரித்தார். உயர்ஜாதியினர் ஆதிக்கத்திற்கு எதிராக உருவான தலித்-தாழ்த்தப்பட்டவர்களின் கூட்டமைப்பை திசை திருப்பினார். அம்பேத்கர் தலித்துகளின் முன்னேற்றத்திற்காக நடத்திய போராட்டத்தை புனே ஒப்பந்தம் மூலம் காந்தி தடுத்து நிறுத்தியதற்கு காரணம் அவரிடம் குடிக்கொண்டிருந்த உயர்ஜாதி உணர்வாகும்.

கோட்ஸே கூட நீதிமன்றத்தில் கூறினான், “எனது ஹிந்துத்துவா மீதான அபிமான உணர்வு உருவெடுத்தது காந்தி மற்றும் சாவர்க்கரின் சிந்தனைகளின் மூலமாகும்” என. ஆனால் காந்தியின் கொள்கை வேதாந்த ஹிந்துத்துவம் என்பதும், சாவர்க்கரின் கொள்கை காலனியாதிக்க ஹிந்துத்துவம் என்பதையும் அடையாளங்காண கோட்ஸேயால் இயலவில்லை. கோட்ஸேயின் முக்கிய குற்றச்சாட்டே காந்தி இந்தியாவை துண்டாட துணைபோனார் என்பதாகும்.

1947-ஆம் ஆண்டு ஜூலை மாதம் ‘ஹிந்துராஷ்ட்ரா’ என்ற நாளிதழில் கோட்ஸே இவ்வாறு எழுதினான்: ‘சகோதரர்களே! நமது தேசம் துண்டிக்கப்பட்டுவிட்டது!’ பின்னர் காந்திக்கு எச்சரிக்கை விடுக்கும் விதமாக எழுதுகிறான், ‘பாகிஸ்தான் பிரிவினையை ஆதரித்ததன் மூலம் நீங்கள் பாரதத்தின் நெஞ்சத்தை கோடாரியால் பிளந்து விட்டீர்கள். நீங்கள் உங்கள் கொள்கையை மாற்றவில்லையெனில் அதற்கு மிகப்பெரிய விலையை கொடுக்க வேண்டிவரும்’.

ஆனால் நாடு பிரிவினையை குறித்து வரலாறு கூறுவது இதற்கு மாற்றமானதாகும். தேசப் பிரிவினையை கடுமையாக எதிர்த்தவர் காந்தியடிகள் ஆவார். காலனியாதிக்க ஹிந்துத்துவா சக்திகள் பல பத்தாண்டுகளுக்கு முன்பே பிரிவினைக்கு ஆதரவான சூழலை வளர்த்துக்கொண்டு வந்தனர்.

1921-ஆம் ஆண்டு சாவர்க்கர் எழுதிய ‘ஹிந்துத்துவா’ என்ற நூலில் இவ்வாறு கூறுகிறார், ’ஹிந்துவும், முஸ்லிமும் இரண்டு தேசங்கள் ஆவர்’. 1923-ஆம் ஆண்டு ஹிந்து மகாசபையின் மாநாட்டில் மதன்மோகன் மாளவியா உரை நிகழ்த்தினார். அதில் அவர்,’இந்தியா ஒருபோதும் ஒரு ஒன்றிணைந்த தேசம் அல்ல’ என தெரிவித்தார். 1924-ஆம் ஆண்டு லாலா லஜபதிராய் ‘த ட்ரிப்யூன்’ பத்திரிகையில் எழுதிய கட்டுரையில் குறிப்பிட்டது என்னவெனில், ’இந்தியா தனி நாடல்ல’ என்பதாகும். 1937-ஆம் ஆண்டு கோட்ஸேவின் சித்தாந்த குரு சவர்க்கர் அஹ்மதாபாத்தில் நடந்த ஹிந்து மகாசபை மாநாட்டில் கூறியது என்னவெனில், ’இந்தியாவால் ஒரு ஒன்றிணைந்த நாடாக மாற இயலாது’ என்பதாகும். இந்த கருத்துக்களையெல்லாம் காந்தி அங்கீகரிக்கவில்லை.

1940-ஆம் ஆண்டு லாகூர் தீர்மானத்தின் மூலம் முஸ்லிம் லீக் ’பாகிஸ்தான்’ என்ற வாதத்தை முன்வைத்தது. இதனையும் காந்தியடிகள் அங்கீகரிக்கவில்லை. ஆனால், 1945-ஆம் ஆண்டு காங்கிரஸைச் சார்ந்த ஜவஹர்லால் நேரு, வல்லபாய் பட்டேல் உள்ளிட்ட தலைவர்களும், கம்யூனிஸ்ட் கட்சியும் பிரிவினைக்கு ஆதரவான நிலைப்பாட்டை எடுத்தனர். அப்பொழுது கூட காந்தி பிரிவினையை தவிர்ப்பதற்கான வழிமுறைகளை ஆராய்ந்தார். ஒரு கட்டத்தில் ஜின்னாவை பிரதமராக்கி பிரிவினையை தவிர்க்கலாம் என ஆலோசனை தெரிவித்தார். அதேவேளையில், ஷியாம்பிரசாத் முகர்ஜி போன்ற காலனியாதிக்க ஹிந்துத்துவாவாதிகள் பிரிவினைக்கான ரகசிய செயல்பாடுகளில் மும்முரமாக ஈடுபட்டிருந்தனர்.

முஸ்லிம்களும், தலித்துகளும் ஒன்றிணைந்தால் உயர் ஜாதியினர் அதிகாரத்தின் படிக்கட்டுகளுக்கு வெளியே சென்றுவிடக் கூடிய சூழல் ஏற்பட்டுவிடும் என ஷியாம் பிரசாத் முகர்ஜி அஞ்சினார். இறுதியாக தலைபோனாலும் பரவாயில்லை, தலைவலி மாறினால் போதும் என்ற முடிவை காங்கிரஸ் செயற்குழு எடுத்தது. அங்கேதான் காந்தி மெளனியாக மாறினார்.

கோட்ஸே நீதிமன்றத்தில் வரலாற்றை வளைத்ததற்கு காரணம் ஏதோ ஒன்றை மூடி மறைப்பதற்காகும். கோட்ஸே காந்தி படுகொலைக்கு கூறிய அடுத்த காரணம், அரசு கருவூலத்திலிருந்து பாகிஸ்தானுக்கு கொடுக்க வேண்டிய பங்கான 55 கோடி ரூபாயை இந்தியா முடக்கி வைத்தபோது காந்தி தலையிட்டு பாகிஸ்தானுக்கு அப்பணத்தை கொடுக்கவேண்டும் என கூறினார் என்பதாகும். இங்கே புரியாத காரணம் என்னவெனில், நாட்டை பிரிப்பதற்கான திட்டங்களை தீட்டிய சங்க்பரிவாரத்திற்கு நாடு துண்டாடப்பட்டதை விட பெரிதா 55 கோடி ரூபாய்? என்பதாகும். ஒப்பந்தத்தின் அடிப்படையில் பாகிஸ்தானுக்கு கொடுக்க வேண்டிய 55 கோடி ரூபாயை அந்நாட்டிற்கு வழங்கவேண்டும் என காந்தி கூறியது அவரை கொலைச்செய்ய எவ்வாறு காரணமாகும்? அவ்வாறெனில் நானூறு ஆண்டுகள் இந்தியாவை காலனியாதிக்க நாடாக மாற்றி ஆட்சிபுரிந்த பிரிட்டீஷார் இந்தியாவின் பெரும் செல்வங்களை கொள்ளையடித்தனர். ஆனாலும், சங்க்பரிவாரத்திற்கு ஏன் பிரிட்டீஷாரின் மீது துவேசம் ஏற்படவில்லை? 55 கோடி ரூபாய் விவகாரத்தில் காந்தி யாரையும் திருப்திப்படுத்துவதற்காக செயல்படவில்லை. மாறாக, உண்மை என்று தான் கருதியதை ஆதரித்ததேயாகும்.

அடுத்த காரணமாக கோட்ஸே கூறியது, முஸ்லிம்களை திருப்திப்படுத்துவதிலேயே காந்தி குறியாக இருந்தார் என்பதாகும். “பிரிவினையைத் தொடர்ந்து நடந்த வகுப்பு கலவரத்தில் காந்தி ஒருதலைபட்சமாக ஹிந்துக்களிடம் கலவரத்திலிருந்து விலகுமாறு கோரி உண்ணாவிரதம் இருந்தார். இதன் காரணமாக ஆயிரக்கணக்கான ஹிந்துக்கள் கொல்லப்பட்டனர். பெண்கள் வன்புணர்வுக்கு பலியாகினர்”. இதிலும் உண்மை கோட்ஸேவிற்கு எதிராகவே அமைந்துள்ளது.

ஜவஹர்லால் நேரு 1947-ஆம் ஆண்டு வல்லபாய் பட்டேலுக்கு எழுதிய கடிதத்தில், “கலவரத்தின் பின்னணியில் அதிகமாக செயல்படுவது ஹிந்துக்களும், சீக்கியர்களும்தான்” என தெரிவித்துள்ளார். எந்த வன்முறையையும் எதிர்க்கவேண்டும் என்பது காந்தியின் அகிம்சை கொள்கையின் ஒரு பகுதியாகும். வன்முறை உருவானதன் காரணமாக ஒரு கட்டத்தில் சுதந்திரப் போராட்டத்தை கூட காந்தி நிறுத்தி வைத்தார்.

1921-ஆம் ஆண்டு ஒத்துழையாமை போராட்ட வேளையில் சவுரிசவ்ரா என்ற இடத்தில் வன்முறை வெடித்தபொழுது காந்தி போராட்டத்தை வாபஸ் பெற்றார். கிலாஃபத்தின் நிழலில் வளர்ந்துவந்த கேரளாவின் மாப்பிள்ளைகள் போராட்டத்தில் சில அசம்பாவித சம்பவங்கள் நிகழ்ந்ததாக கேள்விப்பட்ட வேளையில் மலபார் போராட்டத்தை காந்தி கடுமையான வார்த்தைகளால் விமர்சித்தார். இவ்விவகாரத்தில் கோட்ஸே உண்மையை மூடி மறைத்துள்ளார்.

இந்நிலையில், கோட்ஸே கூறிய காரணங்களெல்லாம் பொய்யானவையாக இருக்கும்போது ஒரு கேள்வி மட்டும் எஞ்சியிருக்கிறது. ஏன் காந்தி கொல்லப்பட்டார்? என்பதுதான் அக்கேள்வி. இதனைப் புரிந்துக்கொள்ள வேண்டுமெனில் ஏகாதிபத்திய-சியோனிஷ்டுகளுடன் சங்க்பரிவார்களுக்கு இருந்த ரகசிய உறவை அடையாளம் காணவேண்டும்.

சாவர்க்கரும் அவரது கூட்டாளிகளும் வளர்த்தது தேசிய ஹிந்துத்துவ அரசியல் அல்ல. மாறாக ஏகாதிபத்திய-சியோனிஷ விருப்பங்களை பாதுகாக்கும் காலனியாதிக்க ஹிந்துத்துவா அரசியலாகும். அது ஒரு ஏகாதிபத்திய கொள்கையை அடிப்படையாக கொண்ட சித்தாந்தம். ஆக்கிரமிக்கப்பட்ட மக்களின் கலாச்சாரத்தையும், நம்பிக்கையையும் மாற்றியமைத்து தங்களுக்கு சாதகமான காலனியாதிக்க மனோநிலையை உருவாக்குவதுதான் இவர்களது திட்டம். அதற்காக புதிய அமைப்புகள், மதங்கள், மனித தெய்வங்கள் என எதனையும் ஏகாதிபத்திய சக்திகள் உருவாக்கும்.

காங்கிரஸ் என்றதொரு இயக்கத்தை உருவாக்கியது ஏ.ஓ.ஹ்யூம் என்ற பிரிட்டீஷ் காரர் ஆவார் என்பது இங்கே சிந்திக்கவேண்டிய விஷயமாகும். இஸ்லாமிய மார்க்கத்திலிருந்து ‘காதியானிசம்’ என்றதொரு காலனியாதிக்க பிரிவை உருவாக்கினர். அதுபோலவே சங்க்பரிவார் என்ற காலனியாதிக்க ஹிந்துதுத்துவா இயக்கமும் உருவானது.

நாத்திகவாதியான சாவர்க்கர் தனது இளமைப் பருவத்தில் பிரிட்டீஷ் எதிர்ப்பு போராட்டங்களில் விருப்பங்காட்டினார். 1857-ஆம் ஆண்டு நடந்த முதல் சுதந்திர போராட்டத்தைக் குறித்து சாவர்க்கர் 1909 ஆம் ஆண்டு ஒரு நூலை எழுதினார். அதில் ஹிந்துக்களும், முஸ்லிம்களும் ஐக்கியத்துடன் போராடியதை குறிப்பிடுகிறார். மேலும் முஸ்லிம்கள் செய்த தியாகத்தை தனியாக பாராட்டி எழுதியுள்ளார். பின்னர் உயர்கல்வியை கற்பதற்காக சவர்க்கர் பிரிட்டனுக்கு சென்றார். ஆனால், அங்கே அவர் சற்று தீவிரமாக இந்திய அரசியலில் தன்னை ஈடுபடுத்திக் கொண்டார். சாவர்க்கரின் நண்பர் ஒரு பிரிட்டீஷ்காரரை கொலைச்செய்த வழக்கில் சாவர்க்கரும் குற்றவாளியாக சேர்க்கப்பட்டார். விசாரணையில் நீதிமன்றம் அவருக்கு ஆயுள்தண்டனையை விதித்தது. இதனைத் தொடர்ந்து அந்தமான் சிறையில் அடைக்கப்பட்டார். சிறையில் வைத்து அவரது அரசியல் சித்தாந்தம் மாற்றம் அடைந்தது. வாழ்க்கை முழுவதையும் சிறையில் கழிப்பதை விரும்பாத சாவர்க்கர் பிரிட்டீஷ் அரசுடன் சமாதானமாக செல்லும் நோக்கில் மன்னிப்பு கடிதத்தை எழுதினார்.

பிரிட்டீஷ் எதிர்ப்பு செயல்பாடுகளிலிருந்து விலகுவதும், மீதமுள்ள காலத்தை பிரிட்டீஷாருக்கு சேவை புரிவதில் கழிப்பதும் அக்கடிதத்தின் உள்ளடக்கமாகும்.

1913-ஆம் ஆண்டு அந்தமான் சிறையை பார்வையிட சென்ற பிரிட்டீஷ் அதிகாரி ஸர் ரெஜினால்ட் க்ராடக்குடன் சாவர்க்கர் ரகசிய பேச்சுவார்த்தையை நடத்தினார். இதன் பலனாக, சிறையில் படிப்பு மற்றும் ஆய்வில் ஈடுபடவும், வெளி உலகத்துடன் தொடர்புக் கொள்ளவும் அதிக சுதந்திரம் அவருக்கு கிடைத்தது. இவ்வாறு அந்தமான் சிறையில் வைத்து 1921-ஆம் ஆண்டு சவர்க்கர் ‘ஹிந்துத்துவா’ என்ற நூலை எழுதினார். ’ஹிந்துக்களும் முஸ்லிம்களும் ஒரு தேசமல்ல’ என்ற வாதத்தை இந்நூலில் அவர் குறிப்பிடுகிறார்.

1925-ஆம் ஆண்டு ஆர்.எஸ்.எஸ் இயக்கம் உருவானபோது சாவர்க்கர் சிறையில் இருந்தார். அவ்வியக்கத்தின் துவக்க விழாவில் பங்கேற்க தனது பிரதிநிதியாக தனது சகோதரர் கோபால் கோட்ஸேவை அனுப்பி வைத்தார்.

சங்க்பரிவாரத்தின் ‘காந்தி எதிர்ப்பு’ கொள்கை பிரிவினையின் பிறகு உருவானதல்ல. 1926-ஆம் ஆண்டு ஆர்.எஸ்.எஸ்ஸின் தலைவர் ஹெட்கேவார், ”காந்தியின் அகிம்சை வழி நாட்டில் அதிகரித்துவரும் ஆவேசத்தை கெடுத்துவிடுகிறது. ஆகையால் காந்தியை ஆதரிக்க இயலாது” என தெரிவித்தார். ஆனால், மறுபுறம் நேதாஜி சுபாஷ்சந்திர போஸின் ஆயுத போராட்டத்தையும் ஆர்.எஸ்.எஸ் எதிர்த்தது. இதற்கான காரணத்தை ஆர்.எஸ்.எஸ் விளக்கவில்லை. காங்கிரஸ் நடத்திய அனைத்து போராட்டங்களையும் ஆர்.எஸ்.எஸ் எதிர்த்தது. ஒத்துழையாமை இயக்கம், தண்டி யாத்திரை, சைமன் கமிஷனுக்கு எதிரான போராட்டம், வெள்ளையனே வெளியேறு இயக்கம் ஆகிய போராட்டங்களில் ஆர்.எஸ்.எஸ் முதுகில் குத்தியது.

இரண்டாவது உலகப்போர் நடைபெற்ற வேளையில் ஆர்.எஸ்.எஸ்ஸின் தலைவர்களில் ஒருவரான ஷியாம் பிரசாத் முகர்ஜி பிரிட்டீஷ் ஆளுநருக்கு எழுதிய கடிதத்தில், ”போர் உறுதியாகிவிட்டது. இக்கட்டத்தில் காங்கிரஸ் போராட்டத்தை வலுப்படுத்தினால் பிரிட்டீஷ் அரசு அதனை கடுமையாக எதிர்கொள்ளவேண்டும்” என தெரிவித்தார்.

1948-ஆம் ஆண்டு காந்தி படுகொலையின் விசாரணை வேளையில் கோட்ஸே கூறியவை 1947-ஆம் ஆண்டிற்கு பிறகு நடந்த நிகழ்வுகளுடன் தொடர்புடையவனவாகும். அவ்வாறெனில், 1944-ஆம் ஆண்டு காந்தியை கொல்ல ஏன் கோட்ஸே விரும்பினார்? சுருக்கமாக கூறவேண்டுமெனில், கோட்ஸே காந்தியை படுகொலைச் செய்ய தூண்டியதற்கு கூறிய காரணங்கள் அனைத்தும் உண்மைக்கு புறம்பானவையாகும். மனிதர்களை நேசித்த காந்தியடிகளுக்கு ஹிந்து விரோதமோ, முஸ்லிம் விரோதமோ, பிரிட்டீஷ் விரோதமோ இல்லை. பிரிட்டீஷ் ஏகாதிபத்தியத்திற்கு எதிராக போராட்டம் நடத்தும் வேளையிலும் நெருக்கடியான காலக்கட்டங்களில் பிரிட்டீஷாருக்கு உதவியுள்ளார். பிரிட்டனுக்கும், டச்சுக்காரர்களுக்கும் (நெதர்லாந்து) இடையே நடந்த போவர் போர், முதல் உலகப்போர் ஆகியவற்றில் பிரிட்டீஷாருக்கு ஆதரவாக சேவை புரிந்தார்.

சமூகத்தில் காணப்படும் அநீதி, சுரண்டல் ஆகியவற்றை எதிர்ப்பை தனது வாழ்க்கை முறையாக கொண்டவர் காந்தியடிகள். ஆகையால்தான் இருபது ஆண்டுகளாக நீடித்த ஆப்பிரிக்க போராட்டம் முடிந்து இந்தியாவுக்கு திரும்பியதும் ஓய்வெடுக்காமல் பிரிட்டீஷாருக்கு எதிராக போராட துவங்கினார். இவ்வேளையில் உலகின் பல இடங்களில் நடந்த அநீதிக்கு எதிரான போராட்டங்களுக்கு ஆதரவாக குரல் கொடுத்தார். அதில் முக்கியத்துவம் வாய்ந்தது 1938-ஆம் ஆண்டு சியோனிஸ்டுகள் ஃபலஸ்தீனை ஆக்கிரமித்ததை எதிர்த்து, அரபுக்களின் உரிமைகளை ஆதரித்து குரல் கொடுத்ததாகும். காந்தியின் நிலைப்பாடு சியோனிஸ்டுகளுக்கு சர்வதேச தளத்தில் மிகப்பெரிய தலைவலியாக மாறியது. அதேவேளையில் சாவர்க்கரும் அவரது கூட்டாளிகளும் சியோனிஸ்டுகளை ஆதரித்தனர். இந்தியாவின் சுதந்திரத்திற்கு பிறகு காந்தி அதிகாரத்தில் பங்கேற்காமல், ஓய்வெடுக்காமல் மற்றொரு போராட்டத்திற்கு செல்வார் என்பதை சியோனிஸ்டுகள் புரிந்துக்கொண்டனர். ஆதலால் காந்திக்கு தடை விதிப்பது அவர்களது முக்கிய தேவையாக இருந்தது.

இந்த பணியை ஏற்றுக் கொண்டவர்கள் இந்தியாவில் சியோனிஸ்டுகளின் நம்பிக்கை பாத்திரமான காலனியாதிக்க ஹிந்துத்துவா சக்திகளாவர். காந்தி படுகொலையின் பலனை யார் அனுபவித்தார்கள் என்பதும், யாரெல்லாம் ஆதாயம் பெற்றார்கள் என்பதையும் ஆராயவேண்டும்.முதலாவதாக, சர்வதேச தளத்தில் பெரும் சலனங்களை உருவாக்கிய காந்தியின் சியோனிஷ எதிர்ப்பு அணைந்து போனது.

இரண்டாவதாக ஆர்.எஸ்.எஸ்ஸின் காலனியாதிக்க ஹிந்துத்துவா சித்தாந்தத்தின் முகத்திற்கு தேசிய ஹிந்துத்துவா முக மூடியை அணியவும் சாத்தியமானது. தொடர்ந்து உருவாக்கிய முஸ்லிம் எதிர்ப்பு அரசியல் கொள்கையின் மூலமாக தாங்கள்தாம் ஹிந்துக்களின் அதிகாரப்பூர்வ பிரதிநிதி என்ற உணர்வை சாமான்யர்களின் உள்ளங்களில் நிறுவுவதை முக்கிய பணியாக கொண்டு செயலாற்றி வரும் ஆர்.எஸ்.எஸ் இந்தியாவின் மிகப்பெரும் அழிவுசக்தியாக மாறிவருகிறது என்பதை அண்மையில் இந்த தேசத்தை உலுக்கிய குண்டுவெடிப்புகள் நமக்கு சுட்டிக்காட்டுகின்றன.

-அ.செய்யது அலீ

அமீர்கான்:சிறையில் சீரழிக்கப்பட்ட 14 ஆண்டுகால வாழ்க்கை

2012-01-29T23:57:00.000-08:00

எந்த குற்றமும் செய்யாமல் பள்ளிப் பருவத்தில்(19-வயதில்) கைது. 14 ஆண்டுகள் தனிமைச் சிறை வாழ்வு. 20 ஜோடிக்கப்பட்ட குண்டுவெடிப்பு வழக்குகள். தளர்வாதத்தால் சோர்ந்து போன தாய். மகன் கைது செய்யப்பட்டு சிறையில் அடைக்கப்பட்டதை நினைத்து மனம் உடைந்து மாரடைப்பால் மரணமடைந்த தந்தை.-இந்தியாவில் ஓர் அப்பாவி முஸ்லிமின் வாழ்க்கை எவ்வாறெல்லாம் சீரழிக்கப்படுகிறது என்பதற்கு அமீர்கான் மீண்டும் ஒரு உதாரணமாக திகழ்கிறார்.

1998-ஆம் ஆண்டு பிப்ரவரி 20-ஆம் தேதி பொய் குற்றச்சாட்டை சுமத்தி சட்டத்திற்கு புறம்பான முறையில் டெல்லி போலீசாரால் அமீர்கான் பிடித்துச் செல்லப்பட்டார். மைமூனாபீ அமீர்கானின் தாயார் ஆவார். மூளையில் இரத்த நாளம் உடைந்து தளர்வாத நோயால் பாதிக்கப்பட்ட அவர் தனது மகனை 14 ஆண்டுகளுக்கு பிறகு சந்திப்போம் என கருதவில்லை.

ஜனவரி 9, 2012 ஆம் ஆண்டு மகன் சிறையிலிருந்து விடுதலையான பிறகு அவரால் தனது மகிழ்ச்சியை உடனடியாக வெளிப்படுத்த இயலவில்லை. கடுமையான முயற்சிக்கு பிறகே வார்த்தைகள் உடைந்து போய் அவரிடமிருந்து வெளியாகின.

முஹம்மது அமீர்கான் மீது டெல்லியை சுற்றி நிகழ்ந்த குண்டுவெடிப்புகள் தொடர்பாக 20 வழக்குகள் சுமத்தப்பட்டன. தற்போது பலத்த சட்டரீதியான போராட்டத்திற்கு பிறகு 17 வழக்குகளிலிருந்து விடுதலையாகிவிட்டார். இம்மாதம்(ஜனவரி)தான் சிறையில் இருந்து வெளியே வந்தார். 3 வழக்குகள் மீதமுள்ளன. 2 வழக்குகளில் மேல்முறையீடுச் செய்யப்பட்டுள்ளது. ஒரு வழக்கில் டெல்லி நீதிமன்றம் ஆயுள் தண்டனையை ரத்துச் செய்தது.

14 ஆண்டுகால சிறை வாழ்க்கைக்குப் பிறகு சிறையில் இருந்து வெளியான அமீர்கான் முதலில் வானத்தை அண்ணாந்து பார்த்தார். “நான் கடந்த 14 ஆண்டுகளாக வானத்தில் நட்சத்திரங்களை பார்க்கவில்லை. நான் உயர் பாதுகாப்பு நிறைந்த தனிமைச் சிறையில் அடைக்கப்பட்டிருந்தேன். இரவு துவங்கும் முன்பே நான் சிறை அறையில் அடைக்கப்படுவேன். ஆதலால் என்னால் கடந்த 14 ஆண்டுகளாக நட்சத்திரங்களை பார்க்க முடியவில்லை. இப்பொழுது நான் வானத்தில் நட்சத்திரங்களை பார்த்து எனது சுதந்திரத்தை உணர்கிறேன்” என்று அமீர்கான் கூறுகிறார்.

14 ஆண்டுகள் தனிமைச் சிறை. மூன்றாம் தர(thirddegree torture) சித்திரவதைகள். அமீர் மாமூலான வாழ்க்கைக்கு திரும்ப பல மாதங்கள் தேவைப்படும்.

இவ்வளவு வழக்குகளில் இருந்து விடுபட்டு சிறையை விட்டு வெளியே வருவோம் என அமீர் நம்பவில்லை. ஆமை வேகத்தில் நடக்கும் நீதிமன்ற நடவடிக்கைகள் அவர் தனது நம்பிக்கையை இழந்திருந்தார்.

“ஒன்றுக்கு மேல் ஒன்றாக 20 வழக்குகளை போலீஸ் என் மீது சுமத்தியது. படு தாமதமான நீதிமன்ற நடவடிக்கைகள் தாம் எனக்கு உச்சபட்ச துயரமாக ஆகிவிட்டது. கடந்த 14 ஆண்டுகளில் நான் மனோரீதியான கவலையால் பாதிக்கப்பட்டேன். உலகம் மிகவும் மாறிவிட்டது. எனக்கு மொபைல் ஃபோனை எப்படி இயக்குவது என்பது கூட தெரியாது. நான் சிறையில் இருந்து வெளியே வந்தபிறகு தான் முதன் முதலாக மொபைல் ஃபோனை பார்க்கிறேன்.” என அப்பாவித்தனமாக கூறுகிறார் அமீர்.

சிறையில் அமீர், மேல்நிலை வகுப்பை தேறாத கைதிகளுக்காக நடத்தப்படும் Bachelor Preparatory Program படிப்பில் தேர்ச்சி பெற்றார். 20 குண்டுவெடிப்பு வழக்குகள் சுமத்தப்பட்ட அமீர்கான் 2011 ஆம் ஆண்டு ‘காரகார்பந்தி ஜீவன்’ என்ற தேசிய சிறை மாத இதழில் 2011-ஆம் ஆண்டு சிறந்த கட்டுரையை எழுதியதற்கான விருதை பெற்றுள்ளார். அவர் எழுதிய கட்டுரைக்கான தலைப்பு ‘மகாத்மா காந்தியும், அணிசேரா இயக்கமும்’ என்பதாகும்.

திஹார் சிறையில் வைத்து இந்திராகாந்தி திறந்த வெளி பல்கலைக்கழகத்தில் (IGNOU)பி.ஏ பட்டப்படிப்பிற்கு சேர்ந்தார்.

தன்னைக் கைது செய்தவுடன் ஒரு தீவிரவாதியின் குடும்பம் என பழி தூற்றி தனது உறவினர்கள் தனது குடும்பத்தை ஒதுக்கி தள்ளியதைக் குறித்து பேசுகையில் உடைந்து போகிறார் அமீர்.

முஸ்லிம் தலைவர்கள் மற்றும் அமைப்புகளின் மனப்பாங்கால் மிகவும் காயப்பட்டுள்ளார். தான் சிறையில் வாடும் வேளையில் எந்தவொரு சமுதாய தலைவர்களும் தனது குடும்பத்தினரை சந்தித்து உதவ முன்வரவில்லை எனக் கூறும் அமீர், பொருளாதார மற்றும் சட்டரீதியான உதவிகளை தன்னந்தனியாகவே தனது குடும்பம் சந்தித்தது என தெரிவிக்கிறார்.

“எனது அண்டை அயலாரும், உற்றார் உறவினரும் என்னை ஒரு தீவிரவாதியாகவே கருதினார்கள். எனது சமூகமும், உறவினர்களும் கூட நாங்கள் உதவிக்காக ஏங்கிய வேளையில் உதவ முன்வராததை நான் சிறையில் இருந்த வேளையில் எனக்கு எனது பெற்றோர்கள் தெரிவித்தனர். அதனால் நான் மிகவும் உடைந்து போனேன்.

அமீரால் தனக்காக வாதாடிய வழக்கறிஞர்களுக்குகூட கட்டணத்தை கொடுக்க முடியவில்லை. வழக்கறிஞர்கள் மனிதநேயத்தின் அடிப்படையில் அமீருடைய வழக்கில் ஆஜராகி வாதாடியுள்ளார்கள்.

சமூகமோ, உறவினர்களோ, சிவில் சமூகமோ எவ்வித உதவியும் தீவிரவாத வழக்குகள் சுமத்தப்பட்ட இந்த அப்பாவிக்கு அளிக்கவில்லை. வயதான, நோயால் பாதிக்கப்பட்ட பெற்றோர்கள்தாம் இந்திய அரசுடன் கடுமையான சட்டரீதியான போராட்டத்தை சொந்தமாக நடத்தியுள்ளார்கள்.

ஆகஸ்ட் 2001-ஆம் ஆண்டு அமீருக்கு நம்பிக்கை அளித்த தந்தை மாரடைப்பால் இறந்து போனார். அதன் பிறகு அவரது சகோதரியும், தாயாரும், தூரத்து உறவினர் ஒருவரும் சட்டரீதியான தொடர் போராட்டத்தில் உறுதுணையாக இருந்துள்ளார்கள். தற்போது அமீரின் விடுதலைக்குப் பிறகு உறவினர்கள் ஒவ்வொருவராக வரத் துவங்கியுள்ளதை எண்ணி அவர் மகிழ்ச்சி அடைகிறார்.

“நான் உயிரோடு இருக்கிறேன். ஆனால் எனது வாழ்க்கையும், எனது குடும்பமும் சீர்குலைந்து விட்டன.” என அமீர் கூறுகிறார்.

போலீசாரின் தவறான குற்றச்சாட்டால் தனது மகன் கைது செய்யப்பட்டு சிறையில் அடைக்கப்பட்ட பிறகு தொடர்ந்து சட்டரீதியாக போராடிய தந்தை மாரடைப்பால் மரணமடைந்தார். அமீரின் குடும்பம் தங்களிடம் இருந்த அனைத்தையும் அவரை சிறையில் இருந்து வெளியே கொண்டுவருவதற்காக செலவழித்துவிட்டார்கள். அவரது தாய் தளர்வாத நோயால்பா திக்கப்பட்டுள்ளார் .மிகவும் பின் தங்கிய குடும்பம் கவனிப்பாரற்று உள்ளது.

சிறையில் இருந்து வெளியே வந்த அமீர் வீட்டில் இருந்து வெளியேசெல்ல அஞ்சுகிறார். “எங்கே நான் வெளியே சென்றால் மீண்டும் என்னை போலீஸ் பிடித்து சித்திரவதைச் செய்து சிறையில் அடைத்துவிடுவார்களா?” என அச்சத்துடன் கேட்கிறார் அமீர்.

அமீருக்கு தற்பொழுது இரண்டு பிரச்சனை. ஒன்று பாதுகாப்பு. இரண்டு மறுவாழ்வு. போலீசுக்கு பயந்து தனக்கு நேர்ந்த கொடுமைகளை குறித்து மீடியாவிடமோ வேறு நபர்களிடமோ பேச தயங்குகிறார் அமீர். இரண்டாவதாக அவரது வாழ்க்கையை கழிப்பதற்கான வேலை தேவை. அவரோ பயத்தால் வெளியே செல்ல தயங்குகிறார். என்ன வேலை செய்வது என்று அவருக்கு தெரியவில்லை. வழிகாட்டவும் ஆள் இல்லை. தனது சுமூகமான வாழ்க்கைக்கு அவர் முஸ்லிம் சிவில் சமூக அமைப்புகளை நம்பியுள்ளார்.

தற்பொழுது இரண்டு வழக்குகள் டெல்லி உயர்நீதிமன்றத்தில் உள்ளன. அவ்வழக்குகளில் வாதாட வழக்கறிஞர்களுக்கு அளிப்பதற்கான குறைந்தபட்ச தொகை கூட அவரிடம் இல்லை.

அமீருக்கு நேர்ந்த இந்த துயரம் அவருக்கு மட்டும் நேர்ந்தது அல்ல. ஒடுக்கப்பட்ட, சிறுபான்மை மக்களுக்கு சம உரிமையை வழங்கும் இந்தியாவை குறித்து கனவு காணும் ஒவ்வொருவருக்கும் ஏற்பட்ட துயரமாகும்.

புறப்படுங்கள் தோழர்களே! எங்கள் பாபாவின் நேசர்களே!

2012-01-28T01:21:00.000-08:00

சித்தம் கலங்குதடா

நெஞ்சம் குமுறுதடா

எங்கள் பாபாவின்

சாய்ந்த உடலைப் பார்த்து

உள்ளம் கொதிக்குதடா

இதயம் வெடிக்குதடா

எங்கள் பாபாவின்

காய்ந்த உதிரம் பார்த்து

நாடி நரம்புகள் துடிக்குதடா

வெறுப்பு வரம்பு மீறுதடா

எங்கள் பாபா மீது பாய்ந்த

கொடியவர்களை பார்த்து

இரத்தத்திற்கு இரத்தம்

பதிலுக்குப் பதில் பழிக்குப் பழி

என்று கண்கள் சிவக்குதடா

பிளந்த மார்பைப் பார்த்து

பாபாவை இழந்திருக்கின்றோம்

ஜிஹாத்தை வளர்ப்பதற்காக

பாபாவை புதைத்திருக்கின்றோம்

முஜாஹிதுகள் முளைப்பதற்காக

அவர் உடலை விதைத்திருக்கின்றோம்

ஷுஹதாக்கள் பிறப்பதற்காக.

ஜிஹாத் கமிட்டி வளர்ந்தால்

எதிரிகள் கலங்குவார்கள்

ஜிஹாத் உணர்வு மலர்ந்தால் தான்

வெறியர்கள் அடங்குவார்கள்

ஜிஹாத் முழக்கம் முழங்கினால் தான்

இந்த ஓநாய்கள் ஒடுங்குவார்கள்

உடலைத் தந்தான்

உயிரைத் தந்தான்

உதிரத்தைத் தந்தான்

உன் தலைவன்

தன் வாழ்வைத் தந்தான்

தன் வளத்தைத் தந்தான்

தன்னையே தந்தான்

உன் தலைவன்

வீரத்தைத் தந்தான்

விவேகத்தைத் தந்தான்

ரோஷத்தைத் தந்தான்

உணர்வைத் தந்தான்

உன் தலைவன்

தான் சிறையிலிருந்து

உனக்கு விடுதலையை தந்தான்

தான் இருட்டிலிருந்து

உனக்கு விடியலைத் தந்தான்

தான் காயங்களை தாங்கி

உனக்கு நியாயங்களைத் தந்தான்

தான் பிணமாய் சாய்ந்து

உனக்கு வாழ்வைத் தந்தான்

உன் தலைவன்.

நீ என்ன தந்தாய்

உப்பாய் போன

உன் கண்ணீரை தவிர

அவர் ஜனாஸாவில் தெளித்த

பன்னீரைத் தவிர.

இதுவா பாசம்

இதுவா நேசம்

இதுவா அன்பு

இதுவா அர்ப்பணிப்பு.

பாபா மீது பாசமிருந்தால்

செயலில் காட்டுங்கள்

பாபா மீது நேசமிருந்தால்

களத்தில் இறங்குங்கள்

பாபா மீது உயிரிருந்தால்

முஜாஹிதாக மாறுங்கள்

பாபா மீது அன்பிருந்தால்

சிறச்சாலைகளை

நிரப்புங்கள்.

பாபாவின் குரல்

பட்டிதொட்டிகளில்

எல்லாம் முழங்கட்டும்

பாபாவின் ஜிஹாத் கொடி

முச்சந்திகளில் எல்லாம்

பறக்கட்டும்

பாபாவின் இரத்தம்

நம் சிவந்த கண்களில்

தெரியட்டும்

பாபா வளர்த்த

தீன் படை எதிரிகளுக்கு

புரியட்டும்

பாபாவின் மூச்சு

நம் பேச்சில்

எதிரொலிக்கட்டும்

பாபாவின் வேகம்

நம் பாய்ச்சலில்

காணட்டும்

புறப்படுங்கள் தோழர்களே!

எங்கள் பாபாவின்

நேசர்களே!

பகவத் கீதை : ம.பி உயர்நீதிமன்றத்தின் மதவாத தீர்ப்பு

2012-01-28T01:19:00.000-08:00

இந்தியாவின் மதசார்பற்ற கொள்கையை மறந்துவிட்டு தீர்ப்பு கூறுவது நீதிமன்றங்களின் வாடிக்கையாக மாறிவிட்டது.

பகவத் கீதை மத நூல் அல்ல; அது வாழும் நெறி எனவும் சமூக நீதி காக்கும் நூல் எனவும் மத்திய பிரதேச உயர் நீதிமன்றம் கூறியுள்ளது. பள்ளிகளில் பகவத் கீதை கற்பிக்கும் மாநில அரசின் முடிவை எதிர்த்து தொடரப்பட்ட வழக்கில் உயர் நீதிமன்றம் வெள்ளிக்கிழமை இவ்வாறு கூறியுள்ளது.

வரும் கல்வியாண்டு முதல் பள்ளிக் கல்வி பாடத் திட்டத்தில் பகவத் கீதை கற்பிக்க வேண்டும் என்று மத்திய பிரதேச அரசு அறிவித்தது. இதை எதிர்த்து கத்தோலிக்க பிஷப் கவுன்சிலின் மக்கள் தொடர்பாளர் ஆனந்த் முட்டங்கல் உயர் நீதிமன்றத்தில் வழக்கு தொடர்ந்தார்.

பகவத் கீதை ஒரு மத நூல் என்று வாதிட்ட அவர், பள்ளிகளில் பிற மத நூல்களும் கற்பிக்கப்பட வேண்டும் என்று தனது மனுவில் கூறியிருந்தார். அவர் சார்பாக ராஜேஷ் சந்திரா என்ற வழக்குரைஞர் உயர் நீதிமன்றத்தில் ஆஜரானார்.

நீதிபதிகள் அஜித் சிங், சஞ்சய் யாதவ் ஆகியோர் அடங்கிய பெஞ்ச் இந்த வழக்கை விசாரித்தது.

இதற்கு முன்றைய விசாரணையின்போது மனுதாரரின் வழக்குரைஞரை பகவத் கீதை படித்துவிட்டு வருமாறு கூறிய நீதிபதிகள், அதற்காக அவருக்கு இரண்டு மாதங்கள் அவகாசம் அளித்திருந்தனர்.

இதைத் தொடர்ந்து வெள்ளிக்கிழமை நடைபெற்ற விசாரணையின் போது அவர் கீதையை வாசித்தாரா என்று நீதிபதிகள் கேட்டனர்.

தாம் பகவத் கீதையைப் படித்ததாகவும் ஆனால் அதை முழுவதும் புரிந்து கொள்ள முடியவில்லை எனவும் ராஜேஷ் சந்திரா தெரிவித்தார். (ஒரு ஹிந்துவால் அதுவும் ஒரு வழக்குரைஞரால் கூட புரிய முடியாத நூல் எவ்வாறு வாழ்க்கை நெறியாக முடியும்? – இது கூட நீதிமன்றத்திற்கு புரியவில்லை)

இதையடுத்து, பகவத் கீதை வெறும் மத நூல் அல்ல; அது ஒரு வாழும் நெறி என்று நீதிபதிகள் கூறினர். அது நன்னெறியை போதிக்கிறது. சமூக நீதியைக் காப்பதன் முக்கியத்துவத்தை கீதை வலியுறுத்துகிறது என்று தெரிவித்து வழக்கைத்
தள்ளுபடி செய்தனர்.

ம.பி உயர்நீதிமன்றத்தின் நகைப்பிற்கிடமான இத்தீர்ப்பு எவ்வளவு தூரம் இந்திய நீதிமன்றங்கள் பாசிச மயமாகி வருகின்றன் என்பதற்கு ஓர் எடுத்துக்காட்டாகும்.

ஈரானின் அணுசக்தியால் அபாயமில்லை – அமெரிக்க முன்னாள் அதிபர் ஜிம்மி கார்டர்

2012-01-27T01:31:00.000-08:00

ஈரானின் அணுசக்தி பரப்புரைச் செய்வது போல் கவலை அளிப்பது அல்ல என்று அமெரிக்காவின் முன்னாள் அதிபர் ஜிம்மி கார்டர் தெரிவித்துள்ளார். டைம் இதழுக்கு அளித்த பேட்டியில் கார்டன் இதனை தெரிவித்துள்ளார்.

அவர் கூறியது:அணு ஆயுதம் தயாரிக்கமாட்டோம் என உறுதியாக கூறிய மத உணர்வு மிக்க ஈரான் ஆட்சியாளர்கள் கூறியுள்ளனர். அவர்கள் அதனை மீறுவார்கள் என கருதவில்லை. தாங்கள் அணு ஆயுதத்தை தயாரிக்கவில்லை என தொடர்ந்து அவர்கள் கூறி வருகிறார்கள். ஒருவேளை, அவர்கள் கூறுவது பொய்யாக இருந்தால் கூட அது ஒரு அபாயமாக மாறும் என கருதமுடியாது. ஒன்று அல்லது இரண்டு அணு ஆயுதங்களை தவிர அதற்கு அதிகமாக அணு ஆயுதங்களை ஈரானுக்கு தயாரிக்க முடியாது.

அதேவேளையில், இஸ்ரேலிடம் ஏறத்தாழ 300 அணு ஆயுதங்கள் இருப்பதை நாம் மறந்துவிடக் கூடாது. இஸ்ரேலின் எதிர்காலம் குறித்து எனக்கு நல்ல எதிர்பார்ப்பு இல்லை. அந்த நாடு உருவான பிறகு மேற்காசியாவில் தற்போதைய சூழலைப்போல முன்பு அமெரிக்காவின் மீதான செல்வாக்கு குறையவில்லை.

ஃபலஸ்தீன் மக்களை கூட்டுப் படுகொலைச் செய்யும் இஸ்ரேலை ஆதரிப்பதன் மூலம் அமெரிக்கா மீதான நம்பிக்கை அரபுலகத்தில் மங்கிப்போனது. எனக்கு பிறகு அமெரிக்காவின் அதிபர்களாக வந்தவர்கள் எல்லாம் போர் விரும்பிகளாகவே இருந்தனர். உலகத்தின் பிரச்சனைகளை தீர்க்க போர் மூலம் முடியாது. அமைதியின் மூலமாகத்தான் உலகின் பிரச்சனைகளை தீர்க்க இயலும்.

நமது செல்வங்களில் இருந்து மிகவும் குறைந்த அளவு கூட உலகில் பிறருக்கு வழங்க நாம் முன்வருவதில்லை. அமெரிக்காவில் அரசியல்வாதிகள் கிறிஸ்தவ துருப்புச் சீட்டை இறக்கி விளையாடுவதில் கெட்டிக்காரர்கள் என்று ஜிம்மி கார்டர் கூறியுள்ளார்.

87 வயதான ஜிம்மி கார்டர் 2002-ஆம் ஆண்டில் சமாதானத்திற்கான நோபல் பரிசை பெற்றவர்.

மும்பை குண்டுவெடிப்பு:ஏ.டி.எஸ்ஸின் கைது நாடகம் எழுப்பும் சந்தேகங்கள்!

2012-01-27T01:29:00.000-08:00

கடந்த ஆண்டு ஜூலை மாதம் மும்பையில் நடந்த தொடர் குண்டுவெடிப்பு தொடர்பாக முக்கிய 2 குற்றவாளிகளை கைது செய்ததாக கூறும் மஹராஷ்ட்ரா ஏ.டி.எஸ்ஸின் நடவடிக்கைகளில் அதிகமான முரண்பாடுகள் காணப்படுகின்றன.

டெல்லி போலீசின் இன்ஃபார்மராக செயல்பட்ட நகீ அஹ்மத் வஸி அஹ்மதின் கைது தொடர்பான சர்ச்சை மஹராஷ்ட்ரா ஏ.டி.எஸ்ஸிற்கு சிக்கலை ஏற்படுத்தியுள்ளது.

கைது சம்பவம் நடப்பதற்கு 10 தினங்கள் முன்பாக நகீயின் சகோதரர்களை மும்பை போலீஸ் வீட்டு காவலில் வைத்து இருப்பதாக குற்றம் சாட்டி நகீயின் மாமா மும்பை போலீஸ் கமிஷனருக்கு கடிதம் எழுதியுள்ளார். டெல்லி போலீசிடம் இருந்து எங்களை பாதுகாப்பதாக கூறிய மஹராஷ்ட்ரா ஏ.டி.எஸ்ஸின் நடவடிக்கைகள் சந்தேகத்தை எழுப்புவதாக அக்கடிதத்தில் கூறப்பட்டிருந்தது.

டெல்லி போலீசின் ஸ்பெஷல் பிரிவும், மஹராஷ்ட்ரா ஏ.டி.எஸ்ஸும் மிகவும் நல்லுறவு பேணுவதாகவும், தீவிரவாதிகளை பிடிக்க இரு புலனாய்வு பிரிவுகளும் போட்டி போட்டதாகவும் ஏ.டி.எஸ் தலைவர் ராகேஷ் மரியா கூறியிருந்தார். ஆனால், டெல்லி போலீஸின் ஸ்பெஷல் பிரிவிடம் இருந்து நகீயின் குடும்பத்திற்கு பாதுகாப்பு வழங்கவேண்டும் என மஹராஷ்ட்ரா ஏ.டி.எஸ் கோரிக்கை விடுத்தது ஏன்? என சமூக ஆர்வலர்கள் கேள்வி எழுப்புகிறார்கள்.

குண்டுவெடிப்பு வழக்கில் சம்பந்தப்பட்ட முக்கிய நபர் தங்கியிருந்ததாக கூறப்படும் வீட்டில் இருந்து நகீ மற்றும் நதீம் அக்தர் அஷ்ஃபாக் ஷேக் ஆகியோரின் உடைகள் கிடைத்ததாக ஏ.டி.எஸ் கூறுகிறது. ஃபாரன்சிக் பரிசோதனைகள் எதுவும் நடத்தாமல் ஏ.டி.எஸ்ஸால் இந்த உடைகளை எவ்வாறு அடையாளம் காணமுடிந்தது? என்பது சமூக ஆர்வலர்களின் அடுத்த கேள்வியாகும்.

ஜனவரி 12-ஆம் தேதி இருவரையும் கைது செய்ததாக மஹராஷ்ட்ரா ஏ.டி.எஸ் கூறுகிறது. இதுவும் பொய்யாகும். ஏனெனில் ஜனவரி 9-ஆம் தேதி முதல் இவர்கள் போலீஸ் காவலில் வைக்கப்பட்டுள்ளனர்.

நகீ பல தடவை மும்பைக்கு வந்துள்ளார் என கூறும் ஏ.டி.எஸ், இவ்வாறு நகீ பல தடவை டெல்லி போலீஸின் ஸ்பெஷல் பிரிவுடன் தான் வந்துள்ளார் என்பதை ஏன் விளக்கவில்லை?

நகீயிடம் இருந்து கைப்பற்றியதாக கூறப்படும் பைக், எதிர்காலத்தில் தீவிரவாத தாக்குதல்களை நடத்துவதற்காகும் என ஏ.டி.எஸ் கூறும் குற்றச்சாட்டு புலனாய்வு ஏஜன்சிகளின் வழக்கமான பாணிதான் என ஜாமிஆ டீச்சர்ஸ் சோலிடாரிட்டி அசோசியேசன் அமைப்பு கூறுகிறது.

எதிர்கால தாக்குதலை முன்கூட்டியே கற்பனைச் செய்பவர்கள் அல்லவா நமது புலனாய்வு துறையினர்?

தங்களின் காரியம் முடிந்த பிறகு டெல்லி போலீசின் ஸ்பெஷல் பிரிவு நகீயை கழற்றிவிட்ட அன்றைய தினமே மஹராஷ்ட்ரா ஏ.டி.எஸ் அவரை கைது செய்து மும்பைக் குண்டுவெடிப்பு வழக்கை அவர் மீது சுமத்தியது என அசோசியேசன் குற்றம் சாட்டுகிறது.

மும்பை குண்டுவெடிப்பை குறித்து விசாரணை நடத்தி வரும் டெல்லி ஸ்பெஷல் பிரிவுக்கும், மஹராஷ்ட்ரா ஏ.டி.எஸ்ஸுக்கும் இடையேயான பனிப்போர் தான் இன்ஃபார்மர் நகீயின் கைதில் முடிந்துள்ளது என்றும் குற்றச்சாட்டு எழுந்துள்ளது.

ஹிந்துத்துவா தீவிரவாதிகளின் மீது சந்தேகத்தின் முள் முனை கூட தொட்டுவிடாமல் விசாரணை நடத்தும் மஹராஷ்ட்ரா ஏ.டி.எஸ் முன்பு பல தடவை செய்தது போலவே முஸ்லிம் இளைஞர்களை குறி வைப்பதன் மற்றொரு உதாரணம் தான் இக்கைது சம்பவம் என சமூக ஆர்வலர்கள் குற்றம் சாட்டுகின்றனர்.

சிகிட்சை கிடைக்காமல் அவதியுறும் அப்துல் நாஸர் மஃதனி

2012-01-26T16:54:00.000-08:00

பெங்களூர் குண்டுவெடிப்பு வழக்கில் அநீதிதமாக குற்றவாளியாக சேர்க்கப்பட்டு சிறையில் அடைக்கப்பட்டிருக்கும் கேரள மாநில பி.டி.பி தலைவர் அப்துல் நாஸர் மஃதனிக்கு தொடர் சிகிட்சை அளிக்க ஏற்பாடு செய்யாமல் சிறை அதிகாரிகள் அலட்சியப்படுத்தி வருகின்றனர்.

அப்துல் நாஸர் மஃதனிக்கு ஜாமீனை மறுத்த உச்சநீதிமன்றம் போதுமான தொடர் சிகிட்சையை கர்நாடக மாநில அரசு அளிக்கவேண்டும் என தீர்ப்பளித்து இருந்தது. ஆனால், உரிய சிகிட்சை கிடைக்காமல் மஃதனி சிறையில் அவதியுறுகிறார்.

கடந்த ஒன்பதாம் தேதி பெங்களூர் ஜெயநகரில் அமைந்துள்ள கோட்டக்கல் ஆர்ய வைத்திய சாலையின் கிளையில் பரிசோதனை மட்டுமே இதுவரை நடத்தப்பட்டுள்ளது. இங்கு தங்கி சிகிட்சை பெற வசதி இல்லை என்பதால் வைத்திய சாலையின் மருத்துவர் சுர்ஜித் வாரியார் ஆர்ய வைத்திய சாலையின் கோட்டக்கல் சீஃப் மருத்துவர் டாக்டர்.பி.கே.வாரியாருக்கு சிகிட்சைக்கான கேஸ் ஷீட்டை ஒப்படைத்துள்ளார். இதனைத் தொடர்ந்து பி.கி.வாரியார் சிறை அதிகாரிகளுக்கு ஃபாக்ஸ்(Fax) அனுப்பியுள்ளார். ஆனால் தொடர் நடவடிக்கை சிறை அதிகாரிகளால் எடுக்கப்படவில்லை. கடந்த 12-ஆம் தேதி ஃபாக்ஸ்(Fax) செய்தி அனுப்பப்பட்டுள்ளது. ஆனால், கடந்த திங்கள் கிழமை மஃதனியை சந்திக்கச் சென்ற அவரது மனைவி சூஃபியா ஜெயநகர் கிளை மருத்துவமனையில் இருந்து மருந்துகளை வாங்கிச்சென்று அளித்துள்ளார். இதுவரை அனைத்து மருந்துகளும் உறவினர்கள் மூலமாகவே மஃதனிக்கு அளிக்கப்பட்டுள்ளதாக அவர் கூறுகிறார்.

முன்பு மஃதனிக்கு சிகிட்சை அளித்த பெங்களூரில் ‘ஸவுமியா’ மருத்துவமனையில் மருத்துவர்கள், மஃதனிக்கு தொடர் சிகிட்சை வழங்குவதில் அலட்சியமாக இருக்காதீர்கள் என மூன்று தடவைக்கும் அதிகமாக சிறை அதிகாரிகளுக்கு கடிதம் எழுதி இருந்தார். ஆனால், அதிகாரிகள் இதுவரை பதில் அளிக்கவில்லை.

சிகிட்சைக்கு தாமதம் ஏற்படுவதால் மஃதனி தோள், கைகளில் வேதனையால் அவதியுறுகிறார். நீரழிவு நோய் அதிகரித்து அவரது வலது கண்ணின் பார்வை அதிகமாக பாதித்துள்ளது. காலில் வீக்கமும், இதர நோய்களும் அதிகரித்து மஃதனி மிகவும் அவதியுறுகிறார் என சூஃபியா கூறுகிறார்.

கர்நாடகா அரசின் அனுமதி கிடைக்காத காரணத்தால் சிறை அதிகாரிகளால் தொடர் நடவடிக்கை மேற்கொள்ள இயலவில்லை என கூறப்படுகிறது.

எகிப்து:நம்பிக்கையை ஏற்படுத்தும் மாற்றங்கள்

2012-01-26T16:53:00.000-08:00

ஜனநாயகத்திற்காக போராடிய லட்சக்கணக்கான அரபுக்களின் விருப்பங்கள் கிட்டத்தட்ட நிறைவேறும் வகையில் எகிப்தி தேர்தல் முடிவுகள் அமைந்துள்ளன. வாக்காளர்களுக்கு குழப்பத்தை ஏற்படுத்தும் சிக்கலான தேர்தல் நடைமுறையை எகிப்திய மக்கள் எளிதாக கையாண்டு இஸ்லாமிய கட்சிகளுக்கு பெரும்பான்மையை அளித்து தாங்கள் யார் பக்கம்? என்பதை தெள்ளத் தெளிவாக அறிவித்துவிட்டனர்.

பாராளுமன்றத்தில் எகிப்தின் விவகாரங்களை இனி கவனிப்பது இஃவனுல் முஸ்லிமீன் என்ற முஸ்லிம் சகோதரத்துவ இயக்கத்தின் அரசியல் கட்சியான ஃப்ரீடம் அண்ட் ஜஸ்டி பார்டி ஆகும். நீண்டகாலமாக அரபு சர்வாதிகாரிகளும், அமெரிக்கா உள்ளிட்ட ஏகாதிபத்தியவாதிகளும் பயங்கரவாத பட்டம் சூட்டிய இஃவானுல் முஸ்லிமீன் அரபு சமூகத்தின் இதயங்களில் வாழ்ந்துக் கொண்டிருக்கின்றார்கள் என்பதன் மறுக்கமுடியாத அறிகுறிகள் அங்கே இருந்து நமக்கு கிடைத்துக் கொண்டிருக்கின்றன.

இஸ்லாமிய வாதிகளின் கைகளில் அதிகாரம் கிடைத்தால் அவர்கள் நாட்டின் குடிமக்களுடைய கைகளை துண்டித்து, தலையை கொய்து, பெண்களின் முகத்தை மூடி இருட்டறைக்குள் தள்ளுவார்கள் என்பதுதான் இதுவரை மேற்கத்திய இஸ்லாமிய விரோத சக்திகளின் பிரச்சாரமாக இருந்துவந்தது. உண்மைக்கு சற்றும் பொருந்தாத இத்தகைய அவதூறு பிரச்சாரங்களின் முதுகெலும்பை முறிக்கும் விதமாக இஃவானும், இதர இஸ்லாமிய கட்சிகளும் எகிப்திய தேர்தலில் வெற்றியை ஈட்டியுள்ளன. அதேவேளையில், இந்த வெற்றி ஏராளமான சவால்களையும் எழுப்புகிறது. தனக்கும்,தனது பிள்ளைகளுக்கும், ராணுவத்திற்கும் தேசத்தை கொள்ளையடிப்பதற்கு சட்டத்தை இயற்ற சர்வாதிகாரி ஹுஸ்னி முபாரக்கால் உருவாக்கப்பட்டதுதான் மஜ்லிசு ஷஅப் என்று அழைக்கப்படும் மக்கள் அவை. மக்களுடன் எவ்வித தொடர்பில்லாத இந்த அவை முபாரக் வருகை தரும்போது கைத்தட்டவேண்டும் என்பதை தவிர வேறு எந்தப் பணியையும் ஆற்றியதா? என்பது சந்தேகமே!

ராணுவத்தின் கரங்களில்தாம் தற்போதைய அரசின் கடிவாளம் உள்ளது. ஆகவே, அடிப்படையான அரசியல் சாசன மாற்றங்களை சாதிக்க இஃவானுல் முஸ்லிமீன் கண்ணும் கருத்துமாக தனது நகர்வுகளை அமைத்துக்கொள்ள வேண்டும். இருபது ஆண்டுகளாக சர்வாதிகாரி ஹுஸ்னி முபாரக்கின் வலது கரமாக செயல்பட்ட தற்போதைய ராணுவ அரசின் தலைவர் ஹுஸைன் தன்தாவியின் அதிகார சிறகுகளை கத்தரிப்பதன் மூலமே எகிப்தில் ஜனநாயகம் என்பது நிதர்சனமாகும்.

இஸ்லாமிய கட்சிகள், எகிப்தின் சமூக-பொருளாதார பிரச்சனைகளை எவ்வாறு கையாளுவார்கள் என்பதையும் அந்நாட்டு மக்கள் கவனிப்பார்கள் என்பது நிச்சயம். வேலையில்லாத் திண்டாட்டமும், பட்டினியும் கோரத்தாண்டவம் ஆடும் ஒரு தேசத்தில் நீதி மற்றும் சமத்துவத்தின் அடிப்படையிலான ஒரு சமூகத்தை கட்டியெழுப்புவதற்கும், மக்கள் மனங்களில் இருந்து பயத்தை விரட்டுவதற்கும் இஃவான்கள் கடுமையாக உழைக்க வேண்டியிருக்கும். எகிப்து மக்கள் தொகையில் 10 சதவீத எண்ணிக்கையிலான காப்டிக் கிறிஸ்தவர்கள் இதுவரை இஃவான்கள் ஆட்சியில் அமருவதைக் குறித்து விமர்சிக்கவில்லை. ஆனாலும், அவர்களின் நம்பிக்கையை பெறுவதும் முக்கியமாகும்.

அனைத்து பிரிவு குடிமக்களுக்கும், பாதுகாப்பையும், நீதியையும் உறுதிச்செய்வதில் இஸ்லாமிய கட்சிகள் எவ்வளவு தூரம் வெற்றிப் பெறுகின்றன என்பதை உலகம் உற்று நோக்குகிறது. உயிர் தியாகிகளான இமாம் ஹஸனுல் பன்னாஹ் மற்றும் செய்யத் குதுபின் தலைமுறையினரான இஃவான்களுக்கு எகிப்திய பாராளுமன்றத்தின் தற்போதைய செசன் வரலாற்று முக்கியத்துவம் வாய்ந்தது ஆகும். கிடைத்த முதல் வாய்ப்பில் இஃவான்கள் வெற்றிப்பெற்றுவிட்டால் அவர்களை மக்கள் மனங்களிலிருந்தும், தேசிய நீரோட்டத்திலிருந்தும் அகற்ற இறைவன் நாடினால் அல்லாமல் இவ்வுலகில் எந்த சக்தியாலும் முடியாது.

அ.செய்யது அலீ.

ஈரான் மீது தாக்குதல் அமெரிக்காவை இஸ்ரேல் வலியுறுத்துகிறது.

2012-01-23T19:01:00.000-08:00

ஈரானின் அணு உற்பத்தி நிலையங்களை குறி வைத்து, தாக்குதல் நடத்தி அழிக்கப் போவதாக இஸ்ரேல் திடீரென அறிவித்தது. இதனால், அமெரிக்கா உட்பட உலக நாடுகள் அதிர்ச்சி அடைந்துள்ளன. ஈரான் தொடர்ந்து அணுஆயுதங்களை தயாரித்து குவித்து வருவதாக அமெரிக்கா உட்பட மேற் கத்திய நாடுகள் குற்றம் சாட்டி வருகின்றன. ஈரான் மீது பொருளாதார தடைகளும் விதிக்கப்பட்டன. ஆனால், ஆக்கப்பூர்வ பயன்பாட்டுக்காக மட்டுமே அணுசக்தி உற்பத்தி செய்யப்படுவதாக ஈரான் தொடர்ந்து கூறி வந்தது. இந்த நிலையில், சமீப காலமாக அண்டை நாடுகளான இஸ்ரேல் & ஈரான் இடையே மோதல் வெடித்துள்ளது.

அணு உற்பத்தியை உடனடியாக நிறுத்த தவறினால் ஈரான் மீது தாக்குதல் நடத்த வேண்டும் என்று அமெரிக்காவை இஸ்ரேல் வலியுறுத்தியது. இந்த ஆண்டு இறுதியில் அமெரிக்க அதிபர் தேர்தல் நடக்கவுள்ளது. அதில் மீண்டும் வெற்றி பெற அமெரிக்க வாழ் இஸ்ரேலியர் களின் ஆதரவு தேவைப் படும் நிலையில், அதிபர் ஒபாமாவுக்கு நெருக்கடி ஏற்பட்டது.

இதற்கிடையே, ஈரானின் அணு உற்பத்தி நிலையங்கள் மீது தாக்குதலை தொடங்க அமெரிக்காவுக்கு 12 மணி நேர கெடுவை இஸ்ரேல் நேற்று விடுத்தது. அது தவறும் பட்சத்தில் தன்னிச்சையாக தாக்குதல் நடத்தப் போவதாகவும் எச்சரித்துள்ளது. அமெரிக்க முப்படை இணை தலைவரான ஜெனரல் மார்ட்டினிடம் இஸ்ரேல் ராணுவ அமைச் சர் எகுத் பாரக் இதை தெரிவித்ததாக தகவல்கள் வெளியாகியுள்ளன. இதனால், அமெரிக்கா அதிர்ச்சி அடைந்துள்ளது. 60 ஆண்டு கால நெருங்கிய நட்பு நாடான இஸ்ரேல், தன்னிச்சையாக ஈரான் மீது தாக்குதல் நடத்த எச்சரிக்கை விடுத்துள்ளதால் அதிபர் ஒபாமா அதிர்ச்சி அடைந்ததாக வெள்ளை மாளிகை வட்டாரங்கள் தெரிவித்தன.

முஸ்லிம் இளைஞர் கைது:மஹராஷ்ட்ரா அரசுக்கு சிறுபான்மை கமிஷன் கடிதம்

2012-01-23T18:58:00.000-08:00

டெல்லியில் வசித்துவந்த முஸ்லிம் இளைஞரை கைது செய்தது குறித்து விளக்கம் அளிக்க கோரி தேசிய சிறுபான்மை கமிஷன் மஹராஷ்ட்ரா அரசுக்கு கடிதம் எழுதியுள்ளது.

டெல்லி போலீஸின் ஸ்பெஷல் பிரிவுக்கு தகவல் அளிக்கும் நகீ அஹ்மத் என்பவரை போலி ஆவணங்கள் மூலம் சிம்கார்டுகளை வாங்கினார் என குற்றம்சாட்டி மஹராஷ்ட்ரா தீவிரவாத தடுப்பு படையினர் கைது செய்தனர்.

இக்குற்றச்சாட்டு ஜோடிக்கப்பட்டது என்றும், இப்பிரச்சனையில் தலையிடக் கோரியும் நகீ அஹ்மதின் சகோதரர் தகீ தேசிய சிறுபான்மை கமிஷனை அணுகினார்.

கடந்த ஆண்டு மும்பையில் நடந்த தொடர் குண்டுவெடிப்பில் தொடர்புடையவர்களை கண்டுபிடிப்பதற்கு டெல்லி போலீஸின் ஸ்பெஷல் பிரிவிற்கு தகவல்களை கொடுத்து நகீ அஹ்மத் உதவியதாக அவருடைய குடும்ப உறுப்பினர்கள் கூறுகின்றனர்.

மஹராஷ்ட்ரா மாநிலத்தின் சிறுபான்மை கமிஷன் உறுப்பினர் கெ.என்.தாருவாலா இச்சம்பவம் தொடர்பாக மும்பை போலீஸ் கமிஷனர் அருண் பட்நாயக், மஹராஷ்ட்ரா ஏ.டி.எஸ் தலைவர் ராகேஷ் மரியா ஆகியோரை தொடர்பு கொண்ட போதிலும் பலன் ஏற்படவில்லை என தொடர்புடைய வட்டாரங்கள் தெரிவிக்கின்றன.

இதனைத் தொடர்ந்து தேசிய சிறுபான்மை கமிஷன் கைது சம்பவம் தொடர்பாக விளக்கம் கேட்டு கடுமையாக கடிதம் ஒன்றை மஹராஷ்ட்ரா மாநில உள்துறை செயலாளர் யு.சி.சாரங்கிக்கு அனுப்பியுள்ளது. இச்சம்பவம் தொடர்பான அனைத்து விபரங்களையும் சமர்ப்பிக்க வேண்டும் என கமிஷன் கோரியுள்ளது.

மும்பை தொடர் குண்டுவெடிப்பில் தொடர்புடையவர்கள் என சந்தேகிக்கும் நபர்களை கைது செய்ய மத்திய புலனாய்வு ஏஜன்சிகளும், டெல்லி போலீஸின் ஸ்பெஷல் பிரிவும் நகீயை பயன்படுத்தியுள்ளன. மும்பையைச் சார்ந்த நபர்களை அடையாளம் காண அங்கு தங்குவதற்கு புலனாய்வு ஏஜன்சிகள் நகீயிடம் கூறியுள்ளன.

டெல்லியில் உயர் புலனாய்வு அதிகாரியின் மேற்பார்வையில் நடக்கும் மிக ரகசியமான செயல்பட்டு வரும் வேளையில் மஹராஷ்ட்ரா ஏ.டி.எஸ் பணி புரிந்த இடத்தில் இருந்து நகீயை கைது செய்துள்ளது. இச்சம்பவம் டெல்லி போலீசிற்கும் ஏ.டி.எஸ்ஸிற்கும் இடையே மோதலை ஏற்படுத்தியுள்ளது.

நகீயின் இரண்டு சகோதரர்களை ஏ.டி.எஸ் கைது செய்து பின்னர் விடுவித்துள்ளது. மும்பை குண்டுவெடிப்பு தொடர்பாக நகீ அளித்த தகவல்கள் தங்களது விசாரணையை திசை திருப்பியதாக குற்றம் சாட்டி அவரை கைது செய்ததாக தொடர்புடைய வட்டாரங்கள் தெரிவிக்கின்றன.

தங்களின் ரகசிய முயற்சியை சீர்குலைத்து விடாதீர்கள் என மத்திய புலனாய்வு ஏஜன்சிகளும், டெல்லி போலீசும் ஏ.டி.எஸ்ஸிடம் கோரிக்கை விடுத்தபோதிலும் அதனை பொருட்படுத்தாது நகீயின் இரண்டு இளைய சகோதரர்களை மும்பையில் வைத்தும், மூத்த சகோதரன் தகீயை டெல்லியில் வைத்தும் பிடித்துச்சென்று கஸ்டடியில் சித்திரவதைச் செய்துள்ளனர். இதனைத் தொடர்ந்து நீதி தேடி பல கதவுகளை தட்டிவிட்டு இறுதியாக தகீ தேசிய சிறுபான்மை கமிஷனை
அணுகியுள்ளார்.

‘தீவிரவாதிகளை கைது செய்ய தேசத்திற்கு உதவியதற்காக ஒரு இந்தியக் குடிமகன் அளித்த விலை இதுதான் என்பது வருத்தத்திற்கு’ என உரியது தகீ கூறியுள்ளார்.

மத்திய மற்றும் மாநில புலனாய்வு ஏஜன்சிகள் முஸ்லிம் இளைஞர்களை கட்டாயப்படுத்தி சில வேளைகளில் மிரட்டியும் இன்ஃபார்மர்களாக(தகவல் அளிப்பவர்கள்) பயன்படுத்திவிட்டு பின்னர் தாங்கள் விரும்பிய தகவல்கள் கிடைக்கவில்லை எனில் இன்ஃபார்மர்களையே கைது செய்து குற்றவாளிகளாக அல்லது தீவிரவாதிகளாக முத்திரைக்குத்தும் சம்பவங்கள் எழுந்துள்ளது. இதற்கு நகீ அஹ்மதின் சம்பவம் ஓர் எடுத்துக்காட்டாகும்.

கிழக்கு ஆப்பிரிக்காவில் பட்டினி சாவுக்கு காரணம் சர்வதேச சமூகம்

2012-01-20T18:36:00.000-08:00

கிழக்கு ஆப்பிரிக்காவில் பட்டினி மூலம் ஆயிரக்கணக்கான மக்கள் மரணிப்பதற்கு, இதுக்குறித்த முன்னறிவிப்பை சர்வதேச சமூகம் அலட்சியப்படுத்தியதுதான் காரணம் என பிரிட்டன் நிவாரண அமைப்புக்கள் கூறியுள்ளன.

சோமாலியா,கென்யா,எத்தியோப்பியா ஆகிய நாடுகளைச் சார்ந்த ஒரு லட்சத்திற்கும் மேற்பட்ட மக்கள் பட்டினியால் கடந்த ஆண்டு மரணித்தனர். கடந்த மே-ஜூலை மாதங்களில் மட்டும் 29 ஆயிரம் ஐந்து வயதுக்கு கீழான குழந்தைகள் பட்டினியால் இந்த நாடுகளில் மரணித்தனர் என அமெரிக்கா அறிவித்தது. இத்தகைய துயர சம்பவம் குறித்து முன்னரே எச்சரிக்கை விடுக்கப்பட்டிருந்தது என ஆக்ஸ்ஃபார்ம் மற்றும் சேவ் த சில்ட்ரன் ஆகிய அமைப்புகள் கூறியுள்ளன.

உலக நாடுகளும்,தன்னார்வ தொண்டு நிறுவனங்களும், ஐ.நாவும் சம்பவித்த இச்சம்பவங்களில் இருந்து பாடம் படிக்கவேண்டும் என அவர்கள் கோரிக்கை விடுத்துள்ளனர்.

‘அபாயகரமான தாமதம்’ என்ற தலைப்பில் இரு அமைப்புகளும் வெளியிட்டுள்ள அறிக்கையில் சர்வதேச நாடுகளை கடுமையாக விமர்சித்துள்ளன. பட்டினி மூலமாகத்தான் மக்கள் மரணிக்கின்றார்கள் என்பதை ஒப்புக்கொள்ள கென்யாவும், எத்தியோப்பியாவும் தயாராகவில்லை. இதுவும் இந்த பிரச்சனையை தீவிரப்படுத்தியது. இத்தகைய எச்சரிக்கைகள் பல தடவை கேட்டுள்ளோம் என்ற அலட்சியப்போக்கு தன்னார்வ தொண்டு நிறுவனங்களிடம் காணப்பட்டது.

உலக நாடுகள் உதவிகளை அளிக்கும் முன்பு மக்கள் பட்டினி மூலம் இறந்தார்கள் என்பதற்கு ஆதாரங்களை கேட்டதாகவும் அந்த அறிக்கை குற்றம் சாட்டுகிறது.

2010 ஆகஸ்ட் மாதம் எச்சரிக்கை விடுக்கப்பட்ட பிறகும் கடந்த 2011 ஜூலை மாதம் வரை உதவி வழங்க யாரும் தயாராகவில்லை என அவ்வறிக்கை கூறுகிறது.

அமெரிக்காவில் ஐந்தில் ஒருவருக்கு மனநலம் பாதிப்பு

2012-01-20T18:11:00.000-08:00

அமெரிக்காவில் வசிக்கும் மக்களில் 5 பேரில் ஒருவருக்கு மனநிலை பாதிப்பு ஏற்பட்டுள்ளதாக அதிர்ச்சி தகவல் அந்நாட்டின் மனநல சுகாதாரத்துறை நடத்திய ஆய்வில் தெரியவந்துள்ளது.

ஏறத்தாழ 5 கோடி பேர் பாதிக்கப்பட்டு இருக்கிறார்கள். இதில் 23 சதவீதம் பேர் பெண்கள். 16.8 சதவீதம் பேர் இளைஞர்கள் ஆவர். அதிலும் 50 வயது கடந்கவர்களை விட இளைஞர்கள் தான் இரண்டு மடங்கு அதிகம் என்றும் சுமார் 1 கோடியே 14 இலட்சம் இளைஞர்கள் பாதிக்கப்பட்டு இருப்பதாகவும் 12 வயது முதல் 17 வயது வரையில் பாதிக்கப்பட்டவர்கள் எண்ணிக்கை 19 இலட்சம் என்றும் அந்த தகவல் கூறுகிறது.

மேலும் 87 இலட்சம் இளைஞர்கள் கடந்த ஆண்டுகளில் தற்கொலை திட்டம் குறித்து மோசமான நினைப்புக்கு ஆளானர்கள். இவர்களில் 25 லட்சம் பேர் தற்கொலைக்கு திட்டமிட்டுள்ளனர். 11 இலட்சம் பேர் தற்கொலை முயற்சிகளிலும் ஏடுபட்டனர். மன உளைச்சலில் இருந்து மீள முடியாத தன்மை மற்றும் போதைப் பழக்கத்தின் அடிமை ஆகியவற்றால் தான் பெரும்பான்மையான இளைஞர்கள் பாதிக்கப்படுவதாக அதில் தெரிவிக்கப்பட்டுள்ளது. இது மட்டுமல்ல, இந்த ஆய்வின்படி 12 வயது முதல் முதியவர் வரையில் 67,500 பேர் சிறைச்சாலைகளில் இருக்கிறார்கள் என்பதும் தெரியவந்துள்ளது.

காங்கிரஸ் மறந்துவிட்ட வெறுக்கத்தக்க பேச்சு

2012-01-20T04:18:00.000-08:00

கூகுள் இணையதளம், பேஸ்புக் ஆகியவைகூட குற்ற நடவடிக்கைக்குஉட்படுத்தப்பட்டிருக்கையில், சிவசேனா தலைவர் பால் தாக்கரேயின்வெறியூட்டும் பேச்சுக்கள் தொடர்பாக எத்தனை பழைய வழக்குகள்நடவடிக்கையின்றி விடப்பட்டுள்ளது என்பதை காவல்துறை ஆவணங்கள்காட்டுகிறது.

மத்திய ஆளும் காங்கிரஸ் கட்சியின் தகவல் தொடர்பு தொழில்நுட்பத்துறை அமைச்சர் கபில்சிபல் இணைய தளங்களில் “மக்களில் இரு குழுக்களிடையே விரோதத்தை தூண்டும்” விதத்திலான வெறுக்கத்தக்க பேச்சுக்கள் வெளியானதால், கூகுள், பேஸ்புக் ஆகிய நிறுவனங்கள் மீது குற்றவழக்கு தொடர அவரும், அவரின் அமைச்சகமும் அனுமதி அளித்துள்ளது. ஆனால் மகாராஷ்டிராவில் காங்கிரஸ் கூட்டணி அரசு சிவசேனாத் தலைவர் பால் தாக்கரேயின் வெளியூட்டும் பேச்சுக்கள், குற்றங்களின் மீதான வழக்கு தொடரும் நடவடிக்கையில் மிக தாமதப்பட்டு நிற்கிறது. அவையாவும் கடுமையான குற்றங்களாகும்.
விரோதத்தை தூண்டும் வகையிலான வன்முறை என பேஸ்புக் மற்றும் இதர தளங்களில் உள்ள சில பிரசுரங்களை அபாயம் என அரசு கருதுகிறது. ஆனால் அது போலல்லாமல், திரு தாக்கரேயின் எழுத்துக்கள் மும்பையில் 1992 மற்றும் 1993ல் பல நூறு மக்களின் உயிர்களை பலிகொண்ட வன்முறையை தோற்றுவித்தது என ஸ்ரீ கிருஷ்ணா கமிஷ‌ன் விசாரணை அறிக்கையில் தெளிவுபட சொல்லப்பட்டுள்ளது.
டிசம்பர் 6, 1992-ல் பாபர் மசூதி இடிக்கப்பட்டதை தொடர்ந்து மும்பையில் தோன்றியக் கலவரங்களில் பெரும்பாலானவற்றிற்கு தாக்கரே மீதும், சிவசேனாவின் பத்திரிகையான சாம்னாவின் ஆசிரியர் மீதும் பதிவு செய்யப் பட்டது. ஆனால் பெரும்பாலானவை நடவடிக்கையின்றி நின்று விட்டது. கலவரம் தோன்றுவதற்கும், தோன்றிய பின்னரும் பல வழக்குகள் இந்திய தண்டனைச் சட்டப்பிரிவு 153A யின் கீழ் விரோதத்தை தூண்டுவது என்ற வகையில் பதிவு செய்யப்பட்டு, அவற்றில் சில மட்டும் வந்திருக்கிறது. தகவல் அறியும் உரிமைச் சட்டத்தின் கீழ் மிக நீண்ட போராட்டம் மற்றும் மேல் முறையீடுகள் போன்றவற்றிற்கு பிறகு சில வழக்குகளின் விவரங்களை 2011-ல் காவல்துறை அதிகாரிகள் தெரிவித்துள்ளனர்.
சுருங்க சொல்ல வேண்டுமென்றால் 1995 முதல் 1999 வரை சிவசேனா, பாரதீய ஜனதா கூட்டணி அரசு அதிகாரத்தில் இருந்த போதும், அதற்கு பிறகு மூன்று முறை காங்கிரஸ் கூட்டணி ஆட்சியில் இருந்த போதும் தாக்கரே மீதான குற்ற வழக்கை கொண்டு செல்வதில் எந்த வித ஆர்வமும் காண்பிக்கவில்லை. வழக்குகள் முடிக்கப்படவுமில்லை, குற்றம் சாட்டப்பட்டவரை கைது செய்ய அரசின் அனுமதி கோரப்படவுமில்லை. தகவல் அறியும் உரிமைச்சட்டத்தின் கீழான முடிவுகள் குறித்த விபரங்கள் சமீபத்தில் வெளியான மீனாமேனன் என்பவரின் மும்பைவன்முறை மற்றும் அதற்கு பின்னர்: (நாள்பட்ட உண்மைகள் மற்றும் ஒத்திசைவு) என்ற புத்தகத்திலிருந்து திரட்டப்பட்டது.
சுருக்கம்: டிசம்பர் 2004-ல் நான் தகவல் அறியும் உரிமைச் சட்டம் 2005-ன் கீழ் சிவசேனா தலைவர் பால்தாக்கரே மீது பதிவான காவல் துறை வழக்குகள் தொடர்பான நகல்கள், அவற்றின் மீது என்ன நடவடிக்கை மேற்கொள்ளப்பட்டது என்ற விவரங்களை காவல்துறையிடம் கோரி மனுச்செய்தேன். நான் மேலும் அந்த வழக்குகளின் நிலை, அவற்றில் ஏதேனும் வாபஸ் பெறப்பட்டிருந்தால் அது குறித்த ஆவணங்களின் நகல்களையும் கோரியிருந்தேன். மிக நீண்ட போராட்டத்திற்கு பிறகு மும்பை காவல்துறை ஆணையர் அலுவலகத்திலிருந்து 19 மே 2007 நாளிட்ட பதிலின் வாயிலாக, காவல்துறை ஆணையர் அலுவலக பொதுத் தகவல் அலுவலா், சிவசேனா கட்சித்தலைவர் பால்தாக்கரே மற்றும் அதன் கட்சி பத்திரிக்கை சாம்னாவின் ஆசிரியர் ஆகியோர் மீது தொடுக்கப்பட்ட அக்டோபர் 1992 முதல் டிசம்பர் 1993 வரையிலான காலத்திற்கு தொடர்புடைய 8 வழக்குகள் குறித்து விவரங்கள் தெரிவிக்கப்பட்டிருந்தது. அந்த வழக்குகள் 20 ஜனவரி 1993-லும், 1 அக்டோபர் 1993-லும் பதிவு செய்யப்பட்டுள்ளது.
நான்கு வழக்குகளில் குற்றப்பத்திரிக்கை 30 ஜூலை 1993-ல் தாக்கல் செய்யப்பட்டுள்ளது. இந்த 4 வழக்குகளும் தாதர் நீதிமன்றத்திலிருந்து பின்னர் வாபஸ் பெறப்பட்டுள்ளது.
இரண்டு வழக்குகளில், குறிப்பிட்ட காலக்கெடு முடிந்தபின் குற்றப்பத்திரிக்கை தாக்கல் செய்யப்பட்டுள்ளது. மீதம் இரண்டு வழக்குகள் சாட்சியம் போதவில்லை என முடிக்கப்பட்டுள்ளது. அதற்கு மேல் எந்த விவரமும் காணப்படவில்லை. எனது முதல் மேல்முறையீடு தள்ளுபடி செய்யப்பட்டது. ஆனால் 2வது மேல் முறையீடு தலைமை தகவல் ஆணையரால் 30 நவம்பர் 2009-ல் விசாரிக்கப்பட்டது. திரு ஜோஷி தனது 8 அக்டோபர் 2010 நாளிட்ட உத்திரவில் பின்வருமாறு உத்திரவிட்டார்.
திருமதி மேனன் அவர்களின் இதே பொருள் குறித் மேல் முறையிட்டின் மீது 17/04/2007-ல் ஆணையம் தெரிவித்த உத்திரவின் தொடர்ச்சியாக, பால் தாக்கரே மீதான வழக்கில் எப்போது குற்றப்பத்திரிக்கை தாக்கல் செய்யப்பட்டது என்ற கேள்விக்கு பிரிவு 8(1)(g)ன் கீழ் வழங்க மறுக்கப்பட்டிருக்கிறது. எனவே இந்த மேல் முறையீடு தாக்கல் செய்யப்பட்டுள்ளது. இரு தரப்பையும் விசாரித்தபின் வழக்குகளை வாபஸ் பெறுவது தொடர்பாக நீதிமன்றம் ஏதும் சொல்லியிருப்பின்,அது தொடர்பாக அரசால் முன்வைக்கப்பட்ட வேண்டுகை வாசகங்கள், மற்றும் அதன் மீது நீதிமன்றம் தெரிவித்த முடிவு ஆகியவற்றின் முடிவுகளை மனுதாரருக்கு வழங்க வேண்டுமென உத்திரவிடப்படுகிறது.
எனது தகவல் அறியும் உரிமைச் சட்ட மனுக்களுக்கான பதில்கள் 18 ஜனவரி 2011 -லிருந்து வரத் துவங்கியது. முதல் தவணையாக 18 ஜனவரி 2011-ல் வந்த பதிலில் தாதர், மாஹிம், மற்றும் சிவாஜி பார்க் காவல்நிலையம் தொடர்பான விவரங்கள் பெறப்பட்டது. தாதர் காவல் நிலையத்தில் 14 வழக்குகள் இந்திய தண்டனைச் சட்ட பிரிவு
153A-ன் கீழ் குழுக்களுக்கிடையே விரோதம் உருவாக்குவது, வெறியூட்டும் எழுத்துக்கள் எழுதுவது மற்றும் இதர பிரிவுகளின் கீழும் வழக்குகள் பதிவு செய்யப்பட்டுள்ளது. அவற்றில் 3 வழக்குகள் மூடப்பட்டுள்ளது.
இரண்டு 31 டிசம்பர் 1991-லும், ஒன்று 26 டிசம்பர் 1991-லும் மூடப்பட்டுள்ளது. 4 வழக்குகளில் நீதிமன்றத்தில் 18 அக்டோபர் 1996-ல் இ.த.ச.153A ன் கீழான குற்றச்சாட்டுகளிலிருந்து தாக்கரே விடுதலை செய்யப்பட்டுள்ளார். இரண்டு வழக்குகளில் 153A ன் கீழான வழக்குகளை குற்றவியல் நடைமுறை தொகுப்பின் பிரிவு 468(2)(c)ஐ குறிப்பிட்டு நீதிமன்றம் முடித்து வைத்துள்ளது (அதாவது காலவரையரை தாண்டி நடவடிக்கை எடுக்கக் கூடாது – 6 மாதத்திலிருந்து 3 ஆண்டுகள் வரை அந்தந்த தண்டனையை பொறுத்தது). மேலும் 3 வழக்குகளில் நீதிமன்றத்தால் சாட்சியம் ஏதுமில்லை என ஒப்புக்கொள்ளப்பட்டதால் மூடி முடிக்கப்பட்டது. ஒரு வழக்கில் ‘C’ தொகுப்பு புலனாய்வு அதிகாரியால் தாக்கல் செய்யப்படவில்லை என்பதால் நிலுவையிலுள்ளது. மேலும் 153A ன் கீழான ஒரு வழக்கில் தாக்கரேயை கைது செய்வதற்கு அரசு இன்னும் அனுமதி வழங்காததால் நிலுவையிலுள்ளது.
மாஹிம் காவல் நிலையத்தில் மூன்று பழைய வழக்குகள் குறிப்பிடப்பட்டுள்ளது. ஒரு வழக்கில் 15 நவம்பர் 1990-ல் தாக்கரே விடுதலை செய்யப்பட்டுள்ளார். மற்றொரு 1984-ம் வருடத்திய பழைய வழக்கில் 153A ன் கீழ் குற்றம் சாட்டப்பட்டுள்ளது. ஆனால் அந்த வழக்கு தொடர்பான ஆவணங்கள் அனைத்தும் பழையதாகவும், கிழிந்தும், தெளிவில்லாமலும் உள்ளது. 1991-ம் ஆண்டிலான மற்றொரு வழக்கிலும் இ.த.ச.153A ன் கீழாகவும், இன்ன பிற பிரிவுகளிலும் குற்றப்பத்திரிக்கை தாக்கல் செய்யப் பட்டுள்ளது. குற்றப்பத்திரிக்கை தாக்கல் செய்யப்பட்டபின் அமர்வு நீதிமன்றம், பாந்த்ராவிற்கு 27 செப்டம்பர் 1998-ல் மாற்றப்பட்டுள்ளது. 6 ஏப்ரல் 2004-ல் மாநில அரசிடமிருந்து வந்த உத்திரவின் அடிப்படையில் அந்த வழக்கு வாபஸ் பெறப்பட்டுள்ளது. வாபஸ்க்கான காரணம் எதுவும் சொல்லப்படவில்லை.
சிவாஜி பார்க் காவல்நிலையத்தில் இரு வழக்குகள் குறிப்பிடப்பட்டுள்ளது. 2002-ல் பதியப்பட்ட பிரிவு 153A ன் கீழான ஒரு வழக்கில் குற்றப்பத்திரிக்கை தாக்கல் செய்ய இன்னும் அரசு அனுமதி அளிக்கப்படவில்லை. வழக்கு இன்னும் நிலுவையிலுள்ளது. மற்றொரு அவமதிப்பு தொடர்பான 2004-ம் ஆண்டு வழக்கில் நீதிமன்றத்தில் குற்றப்பத்திரிக்கை தாக்கல் செய்யப்பட்டு வழக்கு நீதிமன்ற நடவடிக்கையில் இருந்த போதும் குற்றம் சாட்டப்பட்ட தாக்கரே இன்னும் கைது செய்யப்படவில்லை.
காம்தேவி காவல் நிலையத்தில் அவர்களின் 30 டிசம்பர் 2010 நாளிட்ட கடிதம் வாயிலாக தெரிவித்துள்ளது என்னவென்றால், அவர்களுக்கு 1984-ல் இ.த.ச.பிரிவுகள் 153A, 295A ஆகிய பிரிவுகளில் வழக்கு பதிவு செய்யப்பட்ட போதிலும், இந்த குற்றங்கள் தொடர்பான தற்போதைய நிலவரம் குறித்து அவர்களுக்கு தெரியவில்லை எனவும், அதன் காரணமாக அது குறித்து தகவல் ஏதுமில்லை என்ற நிலையில் தகவல் எதுவும் தெரிவிக்க இயலாது என தெரிவிக்கப்பட்டுள்ளது.
வன்முறைகளுக்கு முன்பாகவும் தாக்கரே மீது பல வழக்குகள் பதிவுசெய்யப் பட்டிருந்த போதிலும் அவைகளின் மீது எந்த நடவடிக்கையும் இல்லை. தகவல் அறியும் உரிமைச் சட்ட ஆவணங்களின் படி, அதாவது காவல்துறை குற்றப்பிரிவு 3 உடைய 12 ஜனவரி 2011 நாளிட்ட கடிதத்தில் இரண்டு வழக்குகள் ஆசாத் மைதான் காவல் நிலையத்தில் 28 மார்ச் 1988ல் பதிவு செய்யப்பட்டதாக தெரிவிக்கப்பட்டுள்ளது. அரசு காவல்துறை குற்றவியல் பிரிவு 3ஐ இந்த வழக்குகள் தொடர்பான புலனாய்வு மேற்கொள்ள 30 மார்ச் 1988-ல் தெரிவிக்கப் பட்டுள்ளது. புலனாய்வின்படி இ.த.ச.பிரிவு 153A, 153B மற்றும் 505(1)(c)ன் கீழான குற்றம் குறித்து ஏராளமான சாட்சியங்கள் உள்ளது எனவும், அதனால் காவல் ஆணையர் தனது 9 ஜூன் 1988 நாளிட்ட கடிதம் வாயிலாக அரசு உள் துறை செயலாளரிடம் நீதிமன்றத்தில் தாக்கரே மீது வழக்கு தொடர அனுமதி கோரப்பட்டுள்ளது. அதனை தொடர்ந்து குற்றப்பிரிவு காவல் உதவி ஆணையர், 3 பிப்ரவரி 1995ல் மற்றொரு கடிதம் வாயிலாக நீதிமன்றத்தில் வழக்கு தொடர அனுமதி வேண்டிய கடிதம் மீது விரைவு முடிவு எடுக்க வேண்டியுள்ளார்.
13 ஏப்ரல் 2000-ல் கூடுதல் தலைமைச் செயலாளா், உள்துறை அனைத்து காவல் நிலையங்களிலும் தாக்கரே மீதுள்ள நீதிமன்றத்திற்கு கொண்டு செல்ல வேண்டிய நிலையிலுள்ள அனைத்து வழக்குகள் குறித்த ஆவணங்களையும் அரசிற்கு சமர்ப்பிக்க கேட்கப்பட்டுள்ளது. அதற்கிணங்க 25 ஏப்ரல் 2000-ல் குற்றப்பிரிவு 3ன் காவல் அதிகாரி திரு எம்.எம்.குல்கர்னி அனைத்து ஆவணங்களையும் சிறப்பு கிளை 1ன் முன்பாக சமா்ப்பித்துள்ளார். அதன் பிறகு இன்றுவரை எந்தவித அனுமதியும் அரசிடமிருந்து பெறப்படவில்லை என தகவல் அறியும் உரிமை மனுவிற்கான பதில் கடிதத்தில் தெரிவிக்கப்பட்டுள்ளது. அரசின் அனுமதி பெறப்படாதவரை நீதிமன்றத்தில் எந்த வழக்கும் தாக்கல் ஆகாது. அவை நிலுவையில்தான் இருக்கும்.
(மேற்படி பகுதிகள் திருமதி மீனாமேனன் என்பவரின் புத்தகத்திலிருந்து எடுக்கப்பட்டது. திருமதி மீனாமேனன் தி இந்து நாளிதழின் மும்பை பிரிவு துணை ஆசிரியர் என்பதுடன், மும்பை பத்திரிக்கை பிரிவிற்கு துணை தலைமையாளரும் ஆவார்)
_______________________________________________________
ஆங்கில மூலம் – திருமதி மீனா மேனன், தி இந்து
தமிழாக்கம்: சித்ரகுப்தன்
-நன்றி வினவு

ஆதார்: விலை போகும் உங்கள் தகவல்கள்!

2012-01-20T04:15:00.000-08:00

இந்த செய்தித்தாள் நடத்திய விசாரணை ஒன்றில் உங்கள் ஆதார் எண்ணைப் பெறுவதற்காக நீங்கள் தனியார் சேர்க்கை ஏஜன்சிகளிடம் கொடுக்கும் முக்கியமான உடற்கூறு மற்றும் மற்றும் தனிநபர் தகவல்கள் பாதுகாப்பாக இல்லை என்று தெரிய வந்துள்ளது. ஆதார் திட்டத்தின் கீழ் திரட்டப்படும் தகவல்களின் பாதுகாப்பு குறித்த நாடாளுமன்ற நிலைக் குழுவின் அச்சங்களை உறுதி செய்வதாக இது இருக்கிறது.

இந்தியக் குடிமக்களிடமிருந்து மதிப்பு வாய்ந்த தகவல்களை திரட்டும் பொறுப்பை பெற்றுள்ள சேர்க்கை ஏஜன்சிகள், இந்திய தனிப்பட்ட அடையாளஅட்டை ஆணையம் (UIDAI) அமைத்துள்ள விதிமுறைகளை மீறி, சேர்க்கை பணிகளை உள்ளூர் நிறுவனங்களுக்கு சட்ட விரோதமாக வழங்கியிருக்கிறார்கள். இந்த துணை முகவர்கள் யார் யார் என்பது பற்றி UIDAIக்கு எந்த தகவலும் இல்லை. இத்தகைய சட்ட விரோதமான நிறுவனங்கள் மூலம் தகவல் திரட்டப்படுவதைத் தடுக்க எந்த நடவடிக்கையும் இன்னும் எடுக்கவில்லை. இந்த நாளிதழ் தொடர்பு கொண்ட பல சேர்க்கை நிறுவனங்கள் பணியை ஆள்சேர்ப்பு நிறுவனங்களுக்கு வெளிப்பணியாக கொடுத்திருப்பதாகவோ அல்லது அத்தகைய முகவர்களைத் தேடுவதாகவோ தெரிவித்தன.

இந்த நிருபர் பெங்களூரைச் சேர்ந்த ஒரு மென்பொருள் விற்பனை நிறுவனம் என்ற போர்வையில், மகாராஷ்டிராவைச் சேர்ந்த சேர்க்கை ஏஜன்சியை தொடர்பு கொண்ட போது, மும்பையில் ஆதார் எண்களை திரட்டுவதற்கான முகமை தருவதாச் சொன்னார்கள். அவருக்கு மராத்தி மொழி அறிவு சுத்தமாக இல்லை என்றும், தகவல் திரட்டும் பணியில் முன் அனுபவம் இல்லை என்றும் தெரிவித்த பிறகு கூட, சுமார் 50 லட்ச ரூபாய்க்கு 30 எந்திரங்களை வழங்குவதாகவும், வசதிப்பட்ட சமயத்தில் மும்பையில் பணிகளை ஆரம்பிக்கலாம் என்றும் சொல்லப்பட்டது. சட்டப்படி தடை செய்யப்பட்டிருந்தாலும் பல ஏஜன்சிகள் பணியை வெளியில் கொடுத்திருக்கிறார்கள். இன்னும் பலர் UIDAI வகுத்துள்ள முறைக்குள் செயல்படுவது எப்படி என்று தெரியவில்லை என்று ஜாக்கிரதையாக பதில் சொன்னார்கள்.

“அலங்கித் பின்செக், ஆதார் சேர்க்கை பணியை பிற தனியார் அமைப்புகளுக்கு வெளிப் பணியாக கொடுத்தது தொடர்பாக பெங்களூரில் ஒரு வழக்கு பதிவு செய்யப்பட்டுள்ளது. அதே நிறுவனம், சண்டிகரில் சேர்க்கைப் பணிகளை ஒரு தனிநபருக்கு துணை ஒப்பந்த பணியாக வழங்கியிருக்கிறது. அந்த நபர் இன்னும் பலருக்கு வேலையைப் பிரித்துக் கொடுத்திருக்கிறார். மைசூரில் பொய்யான அடையாளங்களை உருவாக்குவதற்கு லஞ்சம் வாங்கியதாக 3 பேர் கைது செய்யப்பட்டனர். ஹூப்ளியில் ஆதார் தகவல் சேகரிக்கப் பயன்படுத்தப்பட்ட மூன்று மடிக்கணினிகள் திருடு போயின,” என்று மேத்தியூ பிலிப் என்ற சமூக ஆர்வலர் சொல்கிறார். அவர் பெங்களூர் செசன்ஸ் நீதிமன்றத்தில் ஆதார் திட்டம் சட்ட விரோதமானது என்றும் பாதுகாப்பற்றது என்றும் வழக்கு ஒன்று பதிவு செய்திருக்கிறார். அலங்கித்தின் கம்பெனி செயலர் வினய் சாவ்லா, தகவல் திரட்டும் பணி வெளியில் கொடுக்கப்பட்டதை ஒத்துக் கொண்டார். ஆனால், UIDAIயிடமிருந்து வழிமுறைகள் வந்த பிறகு அத்தகைய வழக்கத்தை நிறுத்தி விட்டதாகச் சொன்னார்.

“UIDA இந்த நிறுவனங்களுக்கு எல்லாம் ஒப்பந்த பணி கொடுத்த வழிமுறையே பெரும் சந்தேகத்துக்குரியது. டெண்டர் முறை எதுவும் பின்பற்றப்படவில்லை. சேர்க்கக் கோரி விண்ணப்பித்தவர்கள் அனைவரும் அங்கீகரிக்கப்பட்டார்கள். பெரும்பான்மையான நிறுவனங்களுக்கு உடற்கூறு தகவல் சேகரிப்பு அல்லது பெரும் அளவில் தகவல் சேகரிப்பில் முன் அனுபவம் கிடையாது. ஆதார் எண்ணை வழங்குவதற்காக சமர்ப்பிக்கப்படும் ஆவணங்களையோ தரவுகளையோ சரிபார்க்கும் நிபுணத்துவம் அவர்கள் வேலைக்கு அமர்த்தும் பணியாளர்களுக்கு கிடையாது.” என்று சொல்கிறார் வழக்கறிஞரும் UIDக்கு எதிரான ஆர்வலருமான பெங்களூரைச் சேர்ந்த வெங்கடேஷ் பப்பர்ஜங்.

UIDAI அங்கீகரித்துள்ள நிறுவனங்களின் பட்டியல் வெங்கடேஷின் கவலைகளை நியாயப்படுத்துவதாக இருக்கிறது. 2010ல் அசாமில் ஆதார் தகவல்களை திரட்டும் ஒப்பந்தப் புள்ளி பாருநகர் டீ எஸ்டேட்ஸ் என்ற தேயிலைத் தோட்டத்துக்கு வழங்கப்பட்டது. பீகார், டெல்லி, ராஜஸ்தான், உத்தர பிரதேசம், பஞ்சாப், கர்நாடகா, கேரளா மற்றும் தமிழ்நாட்டிலிருந்து தகவல்கள் திரட்டுவதற்கான அங்கீகாரம் சென்னையைச் சேர்ந்த ஹெர்ம்ஸ் I டிக்கெட்ஸ் என்ற பயணம் மற்றும் பயணச்சீட்டு நிறுவனத்துக்கு வழங்கப்பட்டது. ஒரு கணினி விற்பனை மற்றும் பராமரிப்புக் கடை, அச்சகங்கள், கல்வி மற்றும் தரும நிறுவனங்கள், தெருவணிகர்களின் தேசிய கூட்டமைப்பு, சர்க்கரை ஆலை, காப்பீட்டு நிறுவனங்கள், BPOக்கள், நிதி நிறுவனங்கள், நிலக்கரி மற்றும் உருக்கு நிறுவனங்கள், கட்டிட நிறுவனங்கள் போன்றவை இப்போது சேர்க்கை ஏஜன்சிகளாக அங்கீகரிக்கப்பட்ட நிறுவனங்களில் அடங்கும்.

பெரும் எண்ணிக்கையிலான சேர்க்கை ஏஜன்சிகளுக்கு அவர்களுக்குத் தெரியாத மொழி பேசப்படும் மாநிலங்களில் உடற்கூறியல், வாழ்வியல் மற்றும் தனிநபர் தகவல்களை திரட்ட ஒப்பந்த புள்ளிகள் வழங்கபட்டிருந்தன. அந்த மாநிலங்களின் உள்ளூர் நிலைமைகள் பற்றிய அறிவும் அவர்களுக்கு இல்லை. உதாரணமாக, ரங்காரெட்டி மாவட்டத்தைச் சேர்ந்த கௌதமி கல்வி சங்கம் என்ற கல்வி அறக்கட்டளை தமிழ்நாடு, மகாராஷ்டிரா, கர்நாடகா மாநிலங்களில் தகவல் திரட்டும் பணியை பெற்றுள்ளது. ஆந்திர பிரேதசத்தின் குண்டூர் மாவட்டத்தைச் சேர்ந்த ஜினா டெக்னாலஜிஸ் கேரளா மற்றும் தமிழ்நாட்டில் சேர்க்கை நடத்த அங்கீகரிக்கப்பட்டிருந்க்கிறது, ஆனால் ஆந்திராவில் அங்கீகரிக்கப்படவில்லை.

இந்த தவறான முறை பதிவு ஏஜன்சிகள் உள்ளூர் ஏஜன்டுகளை பணிக்கு அமர்த்தியதற்கு காரணமாக இருக்கிறது. “ஒரு நிறுவனம் அவ்வளவு பெரிய அளவிலான தரவுகளை கையாளுவது என்பது சாத்தியமில்லாத ஒன்று. பணியை வெளியில் கொடுக்காமல் நாங்கள் சமாளித்தாலும், குறிப்பிட்ட பகுதியில் பணியாளர்களை வழங்குவதற்கு உள்ளூர் மனிதவள ஏஜன்சிகளைத்தான் நாங்கள் நம்பியிருக்க வேண்டியிருக்கிறது” என்று சேர்க்கை பதிவுக்கு அங்கீகரிக்கப்பட்ட ஒரு நிறுவனத்தின் துணைத் தலைவர், பெயர் தெரியக் கூடாது என்ற நிபந்தனையுடன் சொன்னார்.

UIDAI தலைவர் நந்தன் நீலகேனி மற்றும் பதிவுகளுக்கான உதவி இயக்குனர் அலின் காச்சி ஆகியோருக்கு அனுப்பிய மின்னஞ்சல்களுக்கு அச்சுக்குப் போகும் வரை பதில் கிடைக்கவில்லை. UIDAI செய்தித் தொடர்பாளர் அவதேஷ் குமார் கருத்து சொல்வதற்கு கிடைக்கவில்லை.

__________________________________________

ஆங்கில மூலம் : உங்கள் ஆதார் தகவல்களை திரட்டுவது யார்?

- நன்றி: சன்டே கார்டியன்
- தமிழாக்கம்: செழியன்

- நன்றி வினவு

ஆட்சியைப் பிடிக்க ஊழலை கையிலெடுக்கும் அத்வானி

2012-01-16T02:42:00.000-08:00

திருடன் ஒருவன் பலர் அவனை விரட்டும் போது ஒரு கட்டத்தில் விரட்டுபவர்களுக்குத் தெரியாமல் அவர்களோடு சேர்ந்து கொண்டு திருடன் திருடன் என்று அவனும் கூறிக்கொண்டு ஓடித் தப்பிக்கும் காட்சியை அடிக்கடி திரைப்படங்களில் பார்த்திருக்கிறோம். நமது நாட்டின் தற்போதைய அரசியல் நிகழ்வுகளைப் பார்த்தால் அக்காட்சி தான் நினைவிற்கு வருகிறது.

பி.ஜே.பி. கட்சியின் முக்கிய தலைவரும் குஜராத் மாநிலத்தின் தற்போதைய முதல்வருமான திரு நரேந்திர மோடி அமெரிக்கா செல்ல விரும்பிய போது அவருக்கு அமெரிக்க அரசு விசா கொடுக்க மறுத்தது. அது மட்டுமல்ல அக்கட்சியின் மிக முக்கிய தலைவரான எல்.கே.அத்வானி அவர்கள் லண்டன் சென்ற போது அங்கு கடுமையான மக்களின் எதிர்ப்புகளை அவர் சந்திக்க வேண்டிருந்தது. அப்போது அவர் வெளிப்படையாகவே இந்தியாவில் அவரது கட்சியினரால் நிகழ்த்தப்பட்டதாகக் கருதப்பட்ட சம்பவங்களுக்காக மன்னிப்புக் கோரினார்.

அச்சம்பவங்கள் வேறெவையும் அல்ல. 2002ம் ஆண்டு கோத்ரா ரயில் எரிப்பு சம்பவத்திற்குப் பின்பு குஜராத்தின் சிறுபான்மை முஸ்லீம் இனத்தவர் மீது சங்பரிவாரத்தால் கட்டவிழ்த்து விடப்பட்ட வன்முறையும் அதில் ஆயிரக்கணக்கானோர் உயிரிழந்த நிகழ்வுகளுமே. இப்போதும் அது குறித்த வழக்குகள் முற்றிலும் முடிந்து விடவில்லை.

அத்தாக்குதலில் ஈடுபட்ட 31 பேருக்கு ஆயுள் தண்டனை வழங்கப்பட்டுள்ளது என்பது மிகச் சமீபத்திய செய்தியாகும். அது மட்டுமல்ல அப்போது குஜராத்தில் ஐ.பி.எஸ். அதிகாரியாகப் பணிபுரிந்த பட் அவர்கள் சிறுபான்மை இனத்தவருக்கு எதிராக அப்போது நடந்த வன்முறையினை பெரிய அளவு கண்டுகொள்ள வேண்டாம் என்று போலீஸ் அதிகாரிகள் கூட்டத்தில் நரேந்திரமோடி பேசியதாகத் தெரிவித்த கருத்து இப்போதும் பி.ஜே.பிக்குப் பெரும் தலைவலியாக உள்ளது.

அதையொட்டி அவர் குஜராத் காவல் துறையால் குற்றம் சுமத்தப்பட்டு கைதாகி தற்போது ஜாமீனில் வெளிவந்திருப்பதும் அவருக்குச் சாதகமாகச் சாட்சியம் அளிப்பார் என்று கருதப்பட்ட ஒருவர் மிக சமீபத்தில் கொலையுண்டிருப்பதும் அக்கொலைக்கு காரணம் சொந்தப் பகை என்று குஜராத் காவல்துறை தெரிவித்திருப்பதும் இப்போது சுடச்சுடப் பத்திரிக்கைகளில் வந்துகொண்டிருக்கின்றன.

இந்த வன்முறை குறித்து நரேந்திர மோடி அவர்கள் அப்போது முன்வைத்த ஒரு முத்தாய்ப்பான கருத்தும் மிகவும் பிரபலமானது. அதாவது அவர் நியுட்டனின் மூன்றாவது விதியான ஒவ்வொரு செயலும் அதற்குச் சமமான எதிரான செயல் ஒன்றினை நிச்சயம் விளைவிக்கும் என்ற கருத்தே அது.

அதாவது கோத்ராவில் ரயிலை எரித்து சங்பரிவாரத்தினர் பலரது மரணத்திற்குக் காரணமாக இருந்த சிறுபான்மை முஸ்லீம் இனத்தவர்கள் ரயில் எரிப்பிற்குப் பின் நிகழ்ந்தது போன்ற ஒரு வன்முறையினை எதிர்கொண்டே தீர வேண்டும் என்று பொருள்படும் விதத்தில் அவர் அக்கருத்தை முன்வைத்தார். பி.ஜே.பியின் பல காலம் மறைக்கப்பட்ட பாசிஸ முகக்கூறு இச்சம்பவம் மற்றும் மோடியின் மேற்கூறிய கூற்று ஆகியவற்றின் மூலம் மீண்டும் ஒருமுறை பெரிதும் அம்பலமானது.

மதநல்லிணக்க உண்ணாவிரதம்

இத்தகைய ‘சிறப்பு அம்சங்கள் பொருந்திய’ திரு நரேந்திர மோடி தற்போது கடந்த செப்டம்பர் 17ம் நாளன்று உண்ணாவிரதம் ஒன்றினை மேற்கொண்டார். அதாவது குஜராத் மக்கள் மதவேறுபாடுகள் கடந்து நல்லிணக்கத்துடன் வாழ வேண்டும் என்பதற்காக அந்த உண்ணாவிரதத்தை மேற்கொள்வதாக அவர் அறிவித்தார்.

ஜன்சேத்னா யாத்திரை முழக்கமும் முனகலும்

இது ஒருபுறமிருக்க அக்கட்சியின் மற்றொரு முக்கிய தலைவரான ரத யாத்திரைப் புகழ் எல்.கே.அத்வானி அவர்கள் ஜன் சேத்னா யாத்ரா என்ற பெயரில் ஒரு யாத்திரையினைத் தொடங்கினார். ஊழலுக்கும் கறுப்புப் பணத்திற்கும் எதிரானதே அது என்று அவர் அறிவித்திருக்கிறார். அந்த யாத்திரையின் போது ஊழலுக்கு எதிராகப் பல மாநிலங்களில் முழங்க முடிந்த அவரால் ஒரு மாநிலத்தில் மட்டும் முணங்கத்தான் முடிந்தது.

ஆம் கர்நாடகாவில் அவரால் அத்தனை உணர்ச்சிப்பூர்வமாக ஊழலுக்கு எதிராக முழங்க முடியவில்லை. அதற்குக் காரணம் அப்போது தான் அவரது கட்சியின் கணக்கைத் தென் மாநிலங்களில் தொடங்கியவரும் வெற்றி மேல் வெற்றிகளைக் கர்நாடகாவில் பி.ஜே.பிக்குக் குவித்தவர் என்று கருதப்பட்டவருமான எடியூரப்பா ஒரு ஊழல் குற்றச்சாட்டின் அடிப்படையில் கைது செய்யப்பட்டிருந்தார்.

ஆனாலும் விட்டுக் கொடுக்காமல் அத்வானி கர்நாடகக் கூட்டங்களில் முழங்கினார்: அதாவது எந்தக் கட்சியைச் சேர்ந்தவர் ஊழல் செய்தாலும் அவர் எங்கள் கட்சியைச் சேர்ந்தவராகவே இருந்தாலும் நான் அதற்கு எதிராக மக்கள் கருத்தைத் திரட்டுவேன் என்று வீராவேசமாக முழங்கினார்.

ஊழலுக்கு எதிரான இந்த யாத்திரையை அவர் தொடங்கிய போதே ஒரு குற்றச்சாட்டு எழுந்தது. மத்தியப் பிரதேசத்தின் போபால் நகரில் பி.ஜே.பி. கட்சியின் முக்கியத் தலைவர்களில் ஒருவர் அத்வானியின் யாத்திரை குறித்து பெரிய அளவில் செய்திகள் வெளியிடுமாறு போபாலில் இருந்து வெளிவரும் இந்தி பத்திரிக்கை நிருபர்களுக்கு பணம் கொடுத்து ஏற்பாடு செய்தார் என்ற குற்றச்சாட்டு எழுந்தது.

இந்த லட்சணத்தில் ஊழலுக்கு எதிரான இந்த யாத்திரையை ஜெயப்பிரகாஷ் நாராயண் அவர்களின் பிறப்பிடத்திலிருந்து எல்.கே.அத்வானி அவர்கள் தொடங்கினார். அதாவது ஊழலுக்கு எதிராக விடுதலைப் போராட்டத்திற்குப் பின்பு இந்தியாவில் மிகப் பெரிய இயக்கத்தைத் தட்டியயழுப்பிய ஜே.பி. அவர்களை ஒத்த விதத்தில் அடையாளப்பூர்வமாக இந்த இயக்கத்தைத் தான் தொடங்கியதாக உலகிற்குக் காட்ட விரும்பிய அவர் அவ்விடத்தைத் தேர்ந்தெடுத்தார்.

அவரது இந்த யாத்திரை ஊழலை மட்டும் எதிர்த்ததாக அறிவிக்கப்பட்டால் அத்தனை எடுபடாத ஒன்றாக ஆகிவிடும்; வி¬சயமறிந்த மக்களில் பலர் நீங்கள் ஆட்சி செய்யும் மாநிலங்களில் என்ன வாழ்கிறது என்று கேட்டுவிடுவர் என்ற எண்ணத்தில் அவர் கூடுதலாகச் சேர்த்துக் கொண்ட ஒரு வி¬சயமே சுவிஸ் வங்கியில் இருக்கும் கறுப்புப் பணத்தை வெளியில் கொண்டுவர வேண்டும் என்ற அந்த யாத்திரையின் மற்றொரு முழக்கம்.

ஊழலே ஊழலை எதிர்ப்பதாகக் காட்டும் போக்கு

இந்தப் பின்னணியில் ஏன் ஊரும் உலகும் அறிந்த பல வெளிப்படையான காரணங்களை அடிப்படையாக வைத்து வகுப்புவாதி என்று கோத்ரா ரயில் எரிப்பு சம்பவத்திற்குப் பின் அனைவராலும் கருதப்பட்ட நரேந்திர மோடி அவர் எதைக் குலைத்தார் என்பதற்காக குற்றம் சாட்டப்பட்டாரோ அந்த மத நல்லிணக்க முழக்கத்தை முன்வைத்து உண்ணாவிரதத்தைத் தொடங்கினார்?

நாடாளுமன்றத்தில் உரையாற்றுவதற்குப் பணம் வாங்கினார்கள்; வெளி நாட்டிற்கு தன் மனைவி என்று ஒரு பெண்ணை அறிவித்து அழைத்துச் சென்றார் என்பது உள்பட பல குற்றச்சாட்டுகளுக்கு ஆளான நாடாளுமன்ற உறுப்பினர் பலரைத் தன் கட்சியினராகக் கொண்டிருக்கும் நிலையிலும் ஊழலுக்கு எதிராக உலா வருகிறேன் என்று அத்வானி ஏன் அறிவித்து வருகிறார்?

அதுவும் தனது கட்சியின் முன்னாள் முதல்வர் ஒருவர் மீதுஊழல் குற்றச்சாட்டுகள் கொழுந்துவிட்டு எரியும் போதே. தற்போதைய ஐக்கிய முற்போக்குக் கூட்டணி அரசுக்கு எதிராகச் சந்தேகத்திற்கு இடமில்லாமல் ஏராளமான ஊழல் குற்றச்சாட்டுகள் எழுந்துள்ளன. அவை மிகப் பெரும் வருவாய் இழப்பினை அரசின் கருவூலத்திற்கு ஏற்படுத்தியுள்ளன என்பதெல்லாம் அசைக்க முடியாத உண்மைகள்.

எடியூரப்பாவிடம் பலிக்காத கட்சியின் ஜம்பம்

இருந்தாலும் கூடத் தற்போதைய மத்திய அரசு பி.ஜே.பியைக் காட்டிலும் ஊழல்வாதிகளைச் சற்று கூடுதல் நேர்மையுடன் நாங்கள் கையாண்டிருக்கிறோம் என்று கூறிக் கொள்வதற்கும் இடமிருக்கிறது. ஏனெனில் முதன்முதலில் எடியூரப்பா மீது ஊழல் குற்றச்சாட்டு வந்தபோது அவரைப் பதவி விலகக் கோரப் போவதாக பி.ஜே.பி. கட்சியின் தற்போதைய தலைவர் கட்கரி அறிவித்தார்.

ஆனால் எடியூரப்பா அதற்கு மசிந்து கொடுக்காமல் மலைபோல் நின்றார். அவர் அந்த நிலையினை எடுத்தவுடன் கட்கரி மசிந்து கொடுக்க வேண்டிய நிலைக்கு ஆளானார். கீழே விழுந்தாலும் மீசையில் மண் ஒட்டவில்லை என்ற கூற்றிற்கு இணங்க கட்கரி அதன் பின் தனது வாத்தியத்தை அடக்கி அல்ல, மாற்றி வாசிக்க ஆரம்பித்தார்.

அதாவது அடுத்து கர்நாடகா மாநிலத்தில் வரவிருக்கும் உள்ளாட்சித் தேர்தலில் மக்கள் வழங்கும் தீர்ப்பு தங்கள் கட்சியின் ஆட்சி ஊழல் மயமானதா இல்லையா எனத் தீர்மானிக்கும் என்று கூறத் தொடங்கினார்.

சிறையில் பலர்

இந்நிலையில் ஊழல் வாதிகளுக்கு எதிராக உறுதியான நடவடிக்கை எடுக்கத் திராணியற்ற அமைப்பாக பி.ஜே.பி. விளங்கிய போது நாங்கள் ஊழலில் சம்பந்தப்பட்ட அனைவர் மீதும் நடவடிக்கை எடுக்கவோ வழக்குத் தொடரவோ தயங்கவில்லை என்று காங்கிரஸ் கட்சி நிச்சயம் கூறலாம்.

ஏனெனில் அக்கட்சியின் சுரேஷ் கல்மாடி, அதன் கூட்டணிக் கட்சியான தி.மு.கழகத்தின் அ.ராசா, கனிமொழி ஆகியோர் ஊழல் வழக்குகளை எதிர்கொண்டுள்ளதோடு டெல்லி திகார் சிறையில் விசாரணைக் கைதிகளாக அடைக்கப்படவும் செய்தனர். இவ்வாறு நாம் கூறும் போது பி.ஜே.பியைச் சேர்ந்தவர்கள் ஒரு வாதத்தை நிச்சயம் முன்வைப்பர். அதாவது 2ஜி ஏலம் விடுவதில் மட்டும் எத்தனை லட்சம் கோடி ஊழல் நடைபெற்றுள்ளது. அந்த ஊழலோடு பி.ஜே.பி. கட்சியினர் செய்த ஊழல்களை ஒப்பிட்டுப் பார்த்தால் மலைக்கும் மடுவிற்கும் இடையில் உள்ள வேறுபாடு அல்லவா இருக்கும் என்று அவர்கள் கூறலாம். ஆனால் 2ஜி ஊழலுக்கும் ஊற்றுக்கண் பி.ஜே.பியின் தேசிய ஜனநாயக முன்னணியின் ஆட்சிக் காலத்தில் ஆரம்பித்து வைக்கப்பட்ட கொள்கையே என்பதை யாரும் மறைக்க முடியாது.

காலத்தின் மாற்றம் ஊழலின் பரிமாணத்தைக் கூட்டியிருக்கலாமே தவிர ஊழல் செய்ய முடிவதற்கான அடித்தளம் தேசிய ஜனநாயக முன்னணி ஆட்சிக் காலத்தில் தான் ஏற்படுத்தப்பட்டது என்பதை அப்போதைய தொலைத் தொடர்புத் துறை அமைச்சராக இருந்து அதன்பின் பதவி விலகிய ஜக் மோகன் அவர்களின் அக்காலத்திய கூற்றுகளை ஊன்றிப் படித்தாலே தெரியும்.

இவ்வாறிருக்கையில் எவ்வாறு அத்வானி அவர்கள் இவ்வளவு பெரிய யாத்திரை ஊழலுக்கு எதிராக என்ற பெயரில் தொடங்கி நடத்திக் கொண்டிருக்கிறார் என்பது நமது மனங்களில் தவிர்க்க முடியாமல் எழும் கேள்வியாக உள்ளது.

பாசிஸத்தைக் கொண்டு வருவதில் பி.ஜே.பிக்கு இருக்கும் கூடுதல் சாதக அம்சங்கள்

இன்று முதலாளித்துவ அமைப்புகளுக்குச் சேவை செய்யும் அனைத்துக் கட்சிகளுமே பாசிஸப் பாதையில் நடை போடக் கூடியவைகளாக உள்ளன. அதாவது எந்தவொரு கட்சியும் சம்பிரதாய அளவிற்குக்கூட ஜனநாயக நடைமுறைகளைப் பின்பற்றிக் கொண்டு சமாளிக்க முடியாத நெருக்கடி சூழ்ந்த நிலையில் இருக்கும் இன்றைய முதலாளித்துவத்தைக் காப்பாற்ற முடியாது என்ற நிலை உருவாகியுள்ளது. ஆனாலும் பாசிஸத்தைக் கொண்டுவருவதற்கான உள்ளார்ந்த வலுவும் திறமையும் அனைத்துக் கட்சிகளுக்கும் ஒரே அளவில் இருக்கிறது என்றும் கூற முடியாது.

அந்த அடிப்படையில் காங்கிரஸ் கட்சியை விடப் பாசிஸத்தைக் கொண்டு வருவதற்கான உள்ளார்ந்த வலுவும் அதற்கான தொண்டர் பலரும் பி.ஜே.பி. கட்சியிலும் அதன் பரிவாரத்திலும் மிக அதிகம் உள்ளனர்.

பாசிஸப் போக்கின் ஒரு கூறு ஒரு பொய்யை மீண்டும் மீண்டும் கூறினால் அது உண்மையாகிவிடும் என்பதாகும். அதையொட்டியே தங்கள் கட்சி பொது வாழ்வின் மதிப்புகளை உயர்த்திப் பிடிக்கும் தனித் தன்மை வாய்ந்த கட்சி என்ற பொய்யை அத்வானி அவர்கள் அவரது கட்சியின் ஆட்சிக் காலத்தில் முன்வைத்தார். மேலும் பாசிஸ அரசியல் வாதிகளின் வேறொரு குணாம்சம் அவர்களைப் பாதிக்கும் கேள்விகளை எவ்வளவு முடியுமோ அவ்வளவு தூரம் கண்டுகொள்ளாமல் அதற்குப் பதிலளித்து ஒரு முக்கியத்துவம் கொடுத்து விடாமல் இருப்பதாகும்.

மேலும் தான் கூறுவது பொய்யாகவே இருந்தாலும் அதைப் பேரிரைச்சலுடன் கூறினால் அக்கூச்சலில் அது பொய்யயனக் கூறும் குரல் எடுபடாமல் போய்விடும் என்பதும் பாசிஸ்ட்களின் மற்றொரு யுக்தியாகும். இவற்றைப் பின்பற்றித்தான் தனது வீட்டில் இத்தனை கோளாறுகள் இருக்கும் நிலையிலும் பி.ஜே.பி. யின் தலைவர் அவர்கள் சிறிதும் கூச்சமின்றி இப்பொடியொரு யாத்திரையை ஊழலுக்கு எதிரானது என்ற பெயரில் தொடங்கியுள்ளார்.

ஆட்சியை நிலைப்படுத்த காங்கிரஸ் கையாண்ட தந்திர நடவடிக்கைகள்

அதுதவிர வேறொரு காரணமும் அவரது யாத்திரையின் பின்னணியில் உள்ளது. அதாவது தேசிய ஜனநாயகக் கூட்டணியின் ஆட்சிக்குப் பின் தட்டுண்டு தடுமாறி வந்த ஐக்கிய முற்போக்குக் கூட்டணியின் ஆட்சியைக் காங்கிரஸ் கட்சி நிலைப்படுத்த முடிந்ததன் பின்னணியில் காங்கிரஸ் கடைப்பிடித்த இரண்டு யுக்திகள் உள்ளன.

ஒன்று பி.ஜே.பி. கட்சி எதிர்பார்த்ததற்கு மாறாக திருமதி சோனியா காந்தி பிரதமர் பதவியை வேண்டாம் என்று உதறித் தள்ளியது. மற்றொன்று எதிர்பாராத விதத்தில் கட்சி அரசியலில் பல காலம் இருந்து ஊழல் குற்றச்சாட்டிற்கு ஆளாகாத ஒருவரை அதாவது திருவாளர் மன்மோகன் சிங்கை பிரதமராக அறிவித்தது.

ஊழல் குற்றச்சாட்டிற்கு ஆளாகாதவர் என்பது மட்டும் மன்மோகன் சிங் அவர்கள் பிரதமராகக் கொண்டுவரப் பட்டதற்கான காரணம் என்று கூற முடியாது. அதில் வேறொரு ஆழமானதும் அழுத்தமானதுமான வி¬சயமும் இருந்தது. உலகமயச் சூழலில் அந்நிய மூலதனம் வருவதற்கு ஏற்ற சூழலை ஏற்படுத்தித் தரவல்ல ஒருவர் பிரதமராக இருந்தால் அது ஆளும் வர்க்கத்திற்கு மிகவும் சாதகமானதாக இருக்கும்; அந்த அடிப்படையில் பல காலம் பொருளாதார நிபுணர் என்ற ரீதியில் உலக நிதி நிறுவனங்களில் பொறுப்புகள் வகித்த மன்மோகன் சிங் அவர்களின் அனுபவமும் வெளிநாட்டு அதிகார வர்க்கத்தினுடனான பரிச்சயமும் அவர் பிரதமராக வந்தால் அது ஒரு மேலான முகத்தோற்றத்தை இந்திய அரசிற்கு வழங்கும் என்பதும் கூட ஒரு முக்கிய கருது பொருளாக அப்போது இருந்தது.

தற்போது தொடர்ச்சியாக நடந்துள்ள பல ஊழல்கள் தற்போதுள்ள இரண்டாவது கட்ட ஐக்கிய முற்போக்குக் கூட்டணியின் ஆட்சிக்கு மிகப்பெரும் அளவிற்கு கெட்ட பெயரை ஏற்படுத்தியுள்ளன. அதை உரிய முறையில் பயன்படுத்தி மீண்டும் ஆட்சிக்கு வருவதற்கான ஒரு முயற்சியை மேற்கொள்ள வேண்டும் என்ற அடிப்படையிலேயே பி.ஜே.பி. தலைவரின் இந்த ரத யாத்திரை மேற்கொள்ளப்படுகிறது.

நமது நாட்டில் எத்தனையோ அரசியல் கட்சிகள் இருந்தாலும் அக்கட்சிகளில் ஊரறிந்த உலகறிந்த பல தலைவர்கள் இருந்தாலும், அவர்களில் ஏறக்குறைய அனைவருமே நற்பெயரற்றவர்களாக இருந்தாலும் அவர்களுக்கும் பதவி ஆசை குறைவின்றி இருந்தாலும் அவர்கள் அனைவரும் இதுபோன்ற யாத்திரை ஒன்றைத் தொடங்காத நிலையில் அத்வானி அவர்கள் மட்டும் இதனைத் தொடங்கியதற்கான காரணம் அவர் ஏதோ மதிப்புமிக்க அரசியலை உயர்த்திப் பிடிப்பவராகத் தொடர்ச்சியாக ஒரு வகைப் பாசிஸத் தனத்தின் மூலம் காட்ட முயல்வதாகும்.

ஏனெனில் இதற்கு முன்பும் அவர் அவரது கட்சி குறித்து ஒரு கருத்தை அவரது கட்சி ஆட்சியில் இருந்த போது முன்வைத்தார். அதாவது பிற கட்சிகளில் இருந்தெல்லாம் வேறுபட்டதொரு கட்சி (A Party with a difference) தன் கட்சி என்று அவர் கூறினார். அதாவது இருக்கும் தலைவர்களிலேயே காந்தியடிகளை ஒத்த தலைவர் தானே என்று காட்டிக்கொள்ள அவர் முனைந்தார்.

காந்தியடிகள், ஜே.பி. போன்றவர்களுக்கும் இவருக்கும் ஏணி வைத்தாலும் எட்டாது. சரியாகவோ தவறாகவோ செளரி செளரா சம்பவம் நிகழ்ந்தவுடன் தான் நம்பும் அகிம்சைக்கு எதிரானதாக அவ்வியக்கம் சென்று விட்டது என்று அறிந்த நிலையில் தன் கட்சியிலிருந்து மட்டுமின்றி விடுதலைப் போரில் அவரது கட்சியோடு இணைந்திருந்த அனைத்து வட்டாரங்களில் இருந்தும் எதிர்ப்பு வந்த நிலையில் அந்த எதிர்ப்புகளைப் பொருட்படுத்தாமல் காந்தியடிகள் ஒத்துழையாமை இயக்கத்தை நிறுத்தச் சொன்னார்.

அவரும் ஜே.பியும் அவர்களுடைய மதிப்பையும் மரியாதையையும் மதிப்புமிக்க அரசியலின் வளர்ச்சிக்காக அவர்கள் எடுத்த நிலைகளையும் மையமாக வைத்தே அவர்களது அரசியலை வளர்த்தெடுத்தனர். அவர்கள் அவர்களது அரசியலைத் தொடங்கிய போது மிகப் பெரிய அமைப்பு ரீதியான வலு அவர்களது இயக்கத்திற்கு இருக்கவில்லை. குறிப்பாக ஜே.பி. சோசலிஸ்ட் கட்சியைச் சேர்ந்தவராக இருந்த போதும் பல காலம் அரசியலில் இருந்து ஒதுங்கியிருந்த நிலையில் தான் ஊழலுக்கு எதிரான தனது இயக்கத்தைத் தொடங்கினார். ஊழலுக்கு எதிரான அவரது முழக்கம் அதற்கு ஆதரவாக ஏராளமான மக்களை அவருடன் கொண்டுவந்து நிறுத்தியது. அதன் விளைவாகவே நேருவுக்குப் பின் காங்கிரஸின் அசைக்க முடியாத தலைவராக விளங்கிய இந்திரா காந்தி அவர்களின் ஆட்சியே அகன்றது.

அமைப்பைப் பயன்படுத்தி ஆட்சியைப் பிடிக்கும் போக்கு

அதாவது முழக்கத்தை முன்வைத்து காந்தியடிகளும், ஜே.பியும் ஸ்தாபனத்தை உருவாக்கினர். ஆனால் அத்வானி அவர்கள் தனக்கிருக்கும் ஸ்தாபனத்தை முன்னிறுத்தி ஆட்சியதிகாரத்தை கைப்பற்றக் கடும் முயற்சிகளில் ஈடுபட்டுக் கொண்டுள்ளார்.

ஆனால் அயோத்திப் பிரச்னையை முன்வைத்து அத்வானி அவர்கள் தொடங்கிய பழைய ரத யாத்திரையைப் போல் இந்த ரத யாத்திரை அவருக்கோ அவரது கட்சிக்கோ பெரிய ஆதாயத்தை தேடித்தரப் போவதில்லை. ஏனெனில் காங்கிரஸ் கட்சி உட்பட ஆட்சிக்கு வர வாய்ப்புள்ள அனைத்துக் கட்சிகளும் ஏதாவது ஒரு விதத்தில் வகுப்புவாத நிலைகளை எடுப்பவையாக இருந்தாலும் வகுப்புவாத முழக்கத்தை பி.ஜே.பி. முன்வைப்பதற்கும் பிற கட்சிகள் முன்வைப்பதற்கும் ஒரு மிகப்பெரும் வேறுபாடு இருக்கவே செய்கிறது.

பி.ஜே.பி. கட்சியைத் தவிர வேறு எந்தக் கட்சிக்கும் வகுப்புவாத முழக்கத்தை இடைவிடாமல் சிறிய பெரிய அளவுகளில் விடுதலைப் போராட்ட காலத்தில் இருந்து இன்று வரை வைத்துக் கொண்டிருக்கும் பாரம்பரியம் இல்லை. எனவே அந்த முழக்கத்தை முன்வைத்து அரசியல் செய்யும் போது பி.ஜே.பி. கட்சியினருக்கும் சங் பரிவாரத்திற்கும் ஏற்படும் உளப்பூர்வ ஒன்றுதலும் ஈடுபாடும் வேறு முழக்கங்களை வைக்கும் போது அவ்வமைப்பினரிடையே ஏற்படுவதில்லை. மேலும் ஊழலுக்கு எதிரான நிலையைப் பி.ஜே.பி. எடுப்பது ஒரு வே¬சதாரித்தனம் என்பதும் ஓரளவிற்கு மக்களிடையே அம்பலமாகியும் உள்ளது.

எனவே ஊழல் அரசியலால் காங்கிரசும் அதன் கூட்டணிக் கட்சிகளும் தடுமாறி நிற்கும் சூழ்நிலையில் அவர்களுக்கு இடையிலான ஒற்றுமை குலைந்து அவநம்பிக்கை மேலோங்கியுள்ள பின்னணியில் தனது அமைப்பு ரீதியான வலுவினைக் கொண்டு ஆட்சியைப் பிடித்து விடலாம் என்று கருதி அவ்வாறு ஆட்சியைப் பிடிப்பதற்கு நம்பிக்கையுடன் பணியாற்ற ஊழியர் களுக்கு உற்சாகம் தருவதற்காக இந்த ரத யாத்திரை பயன்படும் என்ற அடிப்படையில் அத்வானி இதனை மேற்கொள்கிறார்.

சரி, அத்வானி அவர்கள் இத்தகைய உள்நோக்குடன் தனது ரத யாத்திரையைத் தொடங்கி நடத்திக் கொண்டிருக்கிறார் என்றால் நரேந்திர மோடி மதநல்லிணக்க உண்ணாவிரதம் தொடங்கியதன் பின்னணி என்ன?

இனவெறி அமைப்புகள் ஏற்புடையவையல்ல

இரண்டாவது முறை ஐக்கிய முற்போக்குக் கூட்டணியின் ஆட்சி ஏற்பட்ட பின்பு பி.ஜே.பி. மீண்டும் ஆட்சிக்கு வருமா என்பதே கேள்விக்குரிய ஒரு வி¬சயமாக ஆகிப் போனது. அதற்குக் காரணம் காங்கிரஸூக்கு எதிராக எந்த வி¬சயங்களையெல்லாம் எடுக்க முடியுமோ அவை அனைத்தையும் எடுக்க வேண்டும் என்ற அடிப்படையில் அக்கட்சி எடுத்த பல நடவடிக்கைகள் ஆகும்.

அதில் ஒன்று அமெரிக்க இந்திய அணுசக்தி ஒப்பந்தத்தின் போது பி.ஜே.பி. எடுத்த எதிர்ப்பு நிலைபாடாகும். அதாவது அக்கட்சியும் அதன் தாய்க்கட்சியான ஜனசங்கமும் காலங்காலமாக எடுத்த நிலைபாடுகள் அனைத்துமே ஒரு அதிதீவிர தேசியவாதத் தன்மை கொண்டவையாகும். அத்தகைய தேசியவாத முழக்கங்கள் ஆளும் வர்க்கத்தினால் அதற்குத் தேவைப்படும் போதெல்லாம் குறைவின்றிப் பயன்படுத்தப்பட்டுக் கொண்டே வந்துள்ளன. ஆனால் சில சமயங்களில் அத்தகைய முழக்கங்கள் ஆளும் வர்க்கத்திற்குச் சுமைகளாகவும் ஆகிவிடுகின்றன.
அதனால் தான் இந்தியாவில் மட்டுமல்ல உலகெங்கிலும் கூட மிதமிஞ்சிய தேசிய இனவெறிவாத அமைப்புகளைக் காட்டிலும் பெயரளவிற்கேனும் தாராளவாத மதிப்புகளைக் கொண்டுள்ளவை எனத் தங்களைக் காட்டிக் கொள்ளும் கட்சிகளை உடனடியாக ஆளும் வர்க்கம் ஏற்றுக் கொள்கிறது. எவ்வளவு தூரம் முடியுமோ அவ்வளவு தூரம் தாராளவாத ஜனநாயகப் பாவனைகளுடன் செயல்படும் கட்சிகளையே ஆளும் வர்க்கங்கள் பயன்படுத்தி வருகின்றன. அத்தகைய தாராளவாதப் பாவனையுடன் செயல்படும் கட்சியான காங்கிரஸ் கட்சி இந்திய ஆளும் வர்க்கத்திற்கு அதாவது அது விரும்பும் அடுத்தகட்ட வளர்ச்சிக்கு உதவிபுரியும் என்று கருதிக் கொண்டு வந்ததே அணு ஒப்பந்தம் ஆகும்.

அந்த ஒப்பந்தத்தை பி.ஜே.பி. எதிர்த்தது ஆளும் வர்க்கத்திற்கு ஒரு குறிப்பிட்ட அளவிற்கு ஏற்புடையதாக இல்லை. பி.ஜே.பியின் அந்நிலைபாடும் அதன் தோல்விக்கு ஒரு காரணமாகும்.

ஜின்னாவிற்குப் புகழாரம் சூட்டப் போய்

இதுதவிர அத்வானி அவர்கள் தனது கட்சி ஆட்சியில் இருந்தபோது மேற்கொண்ட பாகிஸ்தான் சுற்றுப் பயணத்திலிருந்து திரும்பிய போது பாகிஸ்தானின் ஸ்தாபகத் தலைவர் முகமது அலி ஜின்னா குறித்து வெளியிட்ட, அதாவது ஜின்னா சில தகுதிகள் கொண்ட தலைவர் என்ற கருத்து சங் பரிவாரத்தின் அடிப்படையான மனநிலைக்கு உகந்ததாக இல்லை. எனவே அவர் அக்கட்சி அணிகளால் ஓரங்கட்டப்பட்டார். அதாவது பாபர் மசூதி இடிப்பிற்கு வழிவகுத்த அவரது ரதயாத்திரை அவர் குறித்து உள்நாட்டிலும் உலக அரங்கிலும் ஏற்படுத்திய வகுப்புவாதி என்ற முகத் தோற்றத்தை மாற்றுவதற்கு உதவும் என்ற அடிப்படையிலேயே அவர் ஜின்னா குறித்து மேற்குறிப்பிட்ட கருத்துக்களை முன்வைத்தார்.

அது அவர் பதவிக்காக அடிப்படை நம்பிக்கைகளையே தேவை ஏற்பட்டால் கைவிடக் கூடியவர் என்ற எண்ணத்தை அவரது அணிகளிடையே ஏற்படுத்திவிட்டது. அதற்கும் அசராத அவர் தான் பதவி ஆசை இல்லாதவர் என்று காட்டிக் கொள்வதற்கு அதுதான் ஒரு சாதமான சூழல் என்பதை உணர்ந்து கொண்டு பிரதமராகும் ஆசை தனக்கு இல்லை என்று அப்போது டாம்பீகமாக அறிவித்தார். உண்மையில் அவரைப் பிரதமராக்கும் எண்ணம் அவரது கட்சியின் அணிகளுக்கு அப்போது இல்லை.

புனித வேடத்தில் மோடி

அவரது இந்த மனநிலை தற்போதைய ஐக்கிய முற்போக்குக் கூட்டணி ஆட்சியின் ஊழல் தலைவிரித்தாடும் நிலைமை தோன்றும் வரை நீடித்தது. இந்த நிலையில் தான் நரேந்திர மோடியை அவர் தொடர்ச்சியாக இரண்டு முறை மகத்தான தேர்தல் வெற்றியை அவரது மாநிலத்தில் சாதித்துள்ளதைக் கணக்கிற்கொண்டும் அந்த மாநிலத்தைத் தொழில் வளர்ச்சியில் முன்னிலையில் இருக்கும் மாநிலமாக ஆக்கியுள்ளார் என்ற இடைவிடாதப் பிரச்சாரத்தின் மூலமாக உருவாக்கப்பட்டுள்ள ஒரு தோற்றத்தை முன்னிறுத்தியும் கட்சியின் பிரதமர் பதவிக்கான வேட்பாளராகக் கருத வைக்கலாம் என்ற எண்ணம் அக்கட்சியில் சிலருக்குத் தோன்றியது.

ஆனால் அதைப் பயன்படுத்துவதில் அவருக்குப் பல சிக்கல்கள் இருந்தன. தேசிய முற்போக்குக் கூட்டணியில் உள்ள பல கட்சிகள் அவர் பிரதமருக்கான வேட்பாளராக முன்னிறுத்தப்படுவதை வெளிப்படையாகவே விரும்பவில்லை. கடந்த நாடாளுமன்றத்திற்கான தேர்தலின் போது தேசிய ஜனநாயகக் கூட்டணியின் ஒரு முக்கிய அங்கமான பீஹாரைத் தற்போது ஆட்சி செய்யும் நிதிஷ் குமார், நரேந்திர மோடி பிரச்சாரத்திற்காக தன் மாநிலத்திற்கு வரக் கூடாது என்று வெளிப்படையாகவே பி.ஜே.பி. தலைமையிடம் கூறிவிட்டார். ஏனெனில் அவரது வருகை சிறுபான்மை இனத்தினரின் வாக்குகளை அவரது கட்சி பெறுவதற்கு முட்டுக்கட்டையாக இருக்கும் என்று அவர் கருதினார்.

இந்த நிலையில் ஏதாவது ஒரு புனித வேடம் புனையாமல் அப்பதவிக்கு உகந்தவராக தன்னைக் காட்ட முடியாது என்ற நிலை நரேந்திர மோடிக்கு ஏற்பட்டது. அவ்வாறு புனித வேடம் புனைவதற்கு ஏற்றதொரு பின்னணியும் குஜராத்தில் தோன்றியது. ஒரு முக்கிய சிறுபான்மை முஸ்லீம் இனத் தலைவர் மோடி குறித்து வெளியிட்ட சில அவர் அத்தனை மோசமானவரல்ல என்ற மோடிக்கு சாதகமான கருத்துக்கள் அந்தப் பின்னணியை ஏற்படுத்தியது.

அதைப் பயன்படுத்திக் கொண்டு தானும் தான் ஆளும் குஜராத்தும் மிகவும் மோசமாக அவதூறு செய்யப்படுகின்றோம்; உண்மையில் தானோ தனது மாநில மக்களோ சிறுபான்மை இனத்தவருக்கு எதிரானவர்கள் அல்ல; அதற்கு எடுத்துக்காட்டு சிறுபான்மை இனத் தலைவர் ஒருவரே தன்னைப்பற்றி வெளியிட்டுள்ள தான் நல்லவன் என்ற கருத்து என்று காட்டி தான் ஒரு வகுப்புவாதி அல்ல என்ற தோற்றத்தை பெரிதாகச் சித்தரித்து அரசியல் ஆதாயம் ஈட்டுவதற்காக அந்த உண்ணாவிரதத்தை அவர் மேற்கொண்டார். ஆனால் இந்தச் சூழ்நிலையில் பி.ஜே.பியின் ஆட்சி மீண்டும் வரும் வாய்ப்பு கூடுதல் பிரகாசம் அடைந்த பின்னணியில் அத்வானி அவர்களுக்கும் பிரதமராகும் ஆசை இயற்கையாகவே அரும்பத் தொடங்கியது. எனவே தான் மோடியின் உண்ணாவிரதம் முடிந்த சில தினங்களிலேயே தனது ரத யாத்திரையை அத்வானி தொடங்கினார்.

அதாவது இவ்விரு நிகழ்வுகளும் ஒரு வகையில் பி.ஜே.பி. கட்சித் தலைமைக்கிடையில் பதவிப் போட்டியை மையமாகக் கொண்டு நிலவும் பனிப்போருமாகும். நமது நாட்டின் அரசியல் எத்தனை மோசமாக பாசிஸத் திசை வழியில் வேகமாக சென்று கொண்டிருக்கிறது என்பதை முன்னறிவிக்கும் நிகழ்வுகளே இந்த ரத யாத்திரையும் உண்ணாவிரதமும். சைத்தான்கள் வேதம் ஓதுகின்றன என்ற வாசகத்தையே இவர்கள் முன்வைத்துள்ள மத நல்லிணக்க, ஊழல் எதிர்ப்பு முழக்கங்கள் வெளிப்படுத்துகின்றன.

இதுதவிர அத்வானி அவர்கள் சில காலமாகவே சுவிஸ் வங்கிக் கணக்குகளில் ரகசியமாக வைக்கப்பட்டிருக்கும் இந்தியர்களின் கறுப்புப் பணத்தைக் கொண்டுவர வேண்டும் என்ற கருத்தை வலியுறுத்தி வருகிறார். கடந்த தேர்தலின் போதே இந்தக் கருத்தை மீண்டும் மீண்டும் அவர் முன்வைத்தார்.

ஏனெனில் அவருக்கு நன்கு தெரியும் சுவிஸ் வங்கியில் ஏராளமான கறுப்புப் பணம் பல இந்திய அரசியல் மற்றும் வர்த்தகப் பிரமுகர்களால் பலகாலமாக வைக்கப்பட்டிருக்கிறது என்பது. இது காங்கிரஸ் கட்சியின் தலைமையில் மத்தியல் ஆட்சி ஏற்பட்டவுடன் தோன்றிய வி¬சயமல்ல. காலங்காலமாக இருந்து கொண்டுள்ள வி¬சயம்.

அவ்வாறு இருக்கும் போது அவரது கட்சியின் ஆட்சிக் காலத்தில் இந்தக் கறுப்புப் பணத்தைக் கொணர என்ன முயற்சிகள் அவரது கட்சியால் மேற்கொள்ளப்பட்டன என்ற கேள்வி இயல்பாகவே எவருக்கும் எழும். ஆனால் நாம் ஏற்கனவே பார்த்த விதத்தில் அது போன்ற கேள்விகளைக் கண்டுகொள்ளும் வழக்கம் பாசிஸ அரசியல் வாதிகளுக்கு இல்லை. அப்படி யாரேனும் கூறினாலும் அதற்குச் சம்பந்தமில்லாத வேறொரு வி¬யத்தில் பேரிரைச்சலைக் கிளப்பி அதனை அவர்கள் அமுக்கிவிடுவர்.

இடைவிடாமல் பயன்படும் முழக்கத்தின் தேவை

மேலும் பி.ஜே.பி. கட்சி அதன் அரசியல் அனுபவத்தில் ஒரு படிப்பினையை நிச்சயம் எடுத்துக் கொள்ளாமல் இருந்திருக்கவே முடியாது. அதாவது அது அரசியல் செய்வதற்கு இடைவிடாமல் பயன்படும் முழக்கம் ஏதாவது இருந்து கொண்டே இருக்க வேண்டும்.

அப்படிப்பட்ட முழக்கமாக பலகாலமாக அயோத்தியில் ராமர் கோவில் கட்டும் பிரச்னை இருந்தது. ஆனால் அளவிற்கு அதிகமாக அதனை இழுத்து பி.ஜே.பி. அதனை முடிவுக்குக் கொண்டு வந்துவிட்டது. பொன்முட்டையிடும் வாத்தை அறுத்து முட்டை எடுத்த கதையாக அது ஆகிவிட்டது.

தற்போது அதன் ஆயுதச் சாலையில் அத்தகைய முக்கிய ஆயுதம் முற்றிலும் இல்லாது போய்விட்டது. அதையொத்த விதத்தில் சக்தி வாய்ந்ததாக இல்லாவிடினும் கருவேப்பிலை போல் எப்போதுமே பயன்பட வல்லதாக இந்த கறுப்புப்பண முழக்கம் ஓரளவு அதற்குப் பயன்படும் தன்மை கொண்டதாக உள்ளது. வல்லவனுக்குப் புல்லும் ஆயுதம் என்பதைப் போல. அந்த அடிப்படையில் அத்வானி அவர்கள் இதனை எடுத்துள்ளார்.

அதற்கான பின்னணி தற்போது ஏற்பட்டுள்ள மின்னணு சாதன வளர்ச்சியாகும். அது இதுபோன்ற பல திருட்டுத் தனங்களை முற்றிலும் ரகசியமாக வைத்திருக்க முடியாத ஒரு சூழ்நிலையைத் தோற்றுவித்துள்ளதே. சில காலங்களுக்கு முன்பு ஊடகங்கள் அரசல் புரசலாக இந்தியாவில் எந்தெந்தப் பிரமுகரெல்லாம் சுவிஸ் வங்கியில் கறுப்புப் பணம் வைத்திருக்கிறார் என்ற வி¬யங்களை வெளிப்படுத்தின. அந்தப் பின்னணியில் இந்த முழக்கத்தை அத்தனை எளிதில் இது முடிந்து விடாது என்ற அதீத நம்பிக்கையுடன் அத்வானி அவர்கள் கையில் எடுத்தார்.

கைமாறிய சி.பி.ஐ(எம்)ன் முழக்கம்

ஒரு வகையில் இதற்காக சி.பி.ஐ(எம்). கட்சிக்கு நன்றிக்கடன் பட்டவரே திருவாளர் அத்வானி. அடிப்படை சமூகமாற்ற முழக்கத்தை காற்றில் பறக்கவிட்டுவிட்ட அக்கட்சி அது ஆட்சிக் கட்டிலில் அமர்ந்தால் எவ்வாறு நாட்டின் பிரச்னைகளைத் தீர்க்கப் போகிறது என்ற கேள்வி எழும் போதெல்லாம் அதற்குப் பதிலாக கறுப்புப் பணத்தை வெளிக் கொண்டு வருவோம்; நிலச்சீர்திருத்தம் செய்வோம் என்றே கூறிவந்தது.

நமது நாட்டில் மட்டுமல்ல உலகம் முழுவதுமே இப்போது இருக்கக்கூடிய மிகப்பெரும் பிரச்னை முதலாளித்துவ நெருக்கடியால் ஏற்பட்டுள்ளதாகும். கறுப்புப் பணத்தை வெளிக்கொணர்ந்து அரசுத் துறையில் பல நிறுவனங்களை ஏற்படுத்தினாலும் கூட முதலாளித்துவ அரசு எந்திரத்தை அப்படியே பராமரித்துக் கொண்டு அதனைச் செய்யும் போது அவை பல தனியார் முதலாளித்துவ நிறுவனங்கள் வளர்வதற்குத் தேவையான அடிப்படையை உருவாக்குவனவாகவே அமையும்.

தற்போதைய முதலாளித்துவ நெருக்கடி எப்படிப்பட்டதென்றால் சோவியத் யூனியனிலும் பிற கிழக்கு ஐரோப்பிய நாடுகளிலும் சோசலிசத்தின் வீழ்ச்சிக்குப் பின் உருவாகிய மிகப்பெரிய சந்தையே குறுகிய காலத்தில் உலக முதலாளித்துவத்தால் பயன்படுத்தி முடிக்கப்பட்டு விட்டது. அந்த நிலையில் கறுப்புப் பணத்தை வெளிக்கொணர்ந்து அதனால் செய்யப்படும் முதலீடுகள் இந்திய முதலாளித்துவத்தால் கண்ணிமைக்கும் நேரத்தில் கபளீகரம் செய்யப்பட்டு காணாமல் போய்விடும்.

அது மட்டுமல்ல பெருகிவரும் மக்கள் தேவைக்குத் தற்போது உள்ளதற்கு மேலாக ஒரு அங்குல அளவு கூட நிலப்பரப்பை நீட்ட முடியாது. எனவே நிலச் சீர்திருத்தம் நமது பிரச்னைகளுக்கு ஒரு தீர்வாக இனிமேல் ஒருபோதும் இருக்கப் போவதில்லை. இருந்தும் அவர்களது அப்பட்டமான நாடாளுமன்றவாதம் அந்த முழக்கங்களை நோக்கி அவர்களைத் தள்ளியது. அதில் ஒரு முழக்கத்தையே இதுதான் தருணம் என்று அத்வானி அவர்கள் தட்டிப் பறித்துக் கொண்டுவிட்டார். இதுவே, அதாவது தங்களது ஸ்தாபன வலுவினை மூலதனமாகக் கொண்டு காங்கிரஸ் கட்சியின் செல்வாக்கு சரிந்துள்ள நிலையில் மக்களின் குறைந்த அளவிலான அரசியல் ஞானத்தில் அதீத நம்பிக்கை வைத்துத் தொண்டர்களுக்கு உற்சாகம் ஊட்டித் தேர்தல் வேலை செய்ய வைப்பதற்காகப் பாசிஸ்டுகளுக்கே உரிய முறையில் பி.ஜே.பி. கட்சியைச் சேர்ந்த நரேந்திர மோடி மற்றும் அத்வானி ஆகியோரால் நடத்தப்படுவதே இந்த உண்ணாவிரதமும் ரத யாத்திரையுமாகும்.

-நன்றி மாற்றுக்கருத்து

குஜராத்:நரேந்திர மோடியின் கொலைக்களம்!

2012-01-16T01:33:00.000-08:00

மகாராஷ்டிரா மாநிலம் மும்பய் நகரைச் சேர்ந்த கல்லூரி மாணவி இஷ்ரத் ஜஹான், அவரது நண்பர் ஜாவேத் ஷேக் என்ற பிரானேஷ் பிள்ளை மற்றும் பாகிஸ்தானைச் சேர்ந்தவர்கள் என்று குஜராத் போலீசாலும், மைய உளவுத்துறையாலும் குற்றம் சாட்டப்படும் அம்ஜத் அலி, ஜிஷன் ஜோஹர் அப்துல் கனி ஆகிய நால்வரும் கடந்த ஜூன் 15, 2004 அன்று குஜராத் மாநிலத் தலைநகர் அகமதாபாத் நகரின் புறநகர்ப் பகுதியில் துப்பாக்கி குண்டுகள் துளைக்கப்பட்ட நிலையில் இறந்து கிடந்தனர். “இந்நால்வரும் பாகிஸ்தானைச் சேர்ந்த லஷ்கர் இ தொய்பா அமைப்பினைச் சேர்ந்தவர்கள்; அவர்கள் குஜராத் முதல்வர் நரேந்திர மோடியைக் கொல்லும் பயங்கரவாத நோக்கத்தோடு குஜராத்துக்கு வந்துகொண்டிருந்தபொழுது அகமதாபாத் நகரக் குற்றப்பிரிவு போலீசாரால் வழிமறிக்கப்பட்டனர். அப்பொழுது நடந்த மோதலில்தான் அவர்கள் சுட்டுக் கொல்லப்பட்டதாக” குஜராத் மாநில அரசு அறிவித்தது. அச்சம்பவம் நடந்து ஏழாண்டுகள் கழிந்துவிட்ட நிலையில், அது ஒரு போலிமோதல் கொலைதான் என்பதனை குஜராத் உயர்நீதி மன்றத்தால் நியமிக்கப்பட்ட சிறப்புப் புலனாய்வுக் குழு கடந்த நவம்பர் மாதம் அறிவித்திருக்கிறது.

இம்‘மோதல்’ கொலை சம்பவம் நடந்தவுடனேயே, அதன் உண்மைத் தன்மை குறித்து மனித உரிமை அமைப்புகளும், சமூக ஆர்வலர்களும் கேள்வி எழுப்பினர். “தனது மகள் தீவிரவாதி கிடையாது; ஏழ்மையில் வாடியபோதிலும் படித்து ஆசிரியராக வேண்டும் எனக் கனவு கண்ட பெண்; குடும்பத்தின் வறுமை காரணமாகக் கல்லூரியில் படித்துக்கொண்டே வேலைக்கும் போய்க்கொண்டிருந்த அப்பாவிப் பெண்” என அன்றே கதறினார் இஷ்ரத் ஜஹானின் தாய் ஷமிமா.

செப். 2009இல் இவ்வழக்கை விசாரித்த அகமதாபாத் பெருநகரக் குற்றவியல் நீதிமன்றம், இறந்துபோன அந்நால்வரின் பிரேதப் பரிசோதனை அறிக்கை மற்றும் தடயவியல் அறிக்கை ஆகியவற்றை ஆதாரமாகக் கொண்டு, “இதுவொரு போலிமோதல் கொலை; அந்நால்வரும் மோதல் நடந்ததாகச் சொல்லப்படும் நாளுக்கு முதல்நாளே மிகவும் அருகாமையிலிருந்து சுட்டுக் கொல்லப்பட்டிருக்கின்றனர்” என்று தீர்ப்பளித்தது. மோடி அரசோ அந்நீதிமன்றம் தனது வரம்பை மீறி நடந்துகொண்டுள்ளதாகக் கூறி, அந்நீதிமன்ற முடிவை ஏற்றுக் கொள்ள மறுத்துவிட்டது.

இதனிடையே இஷ்ரத் ஜஹானின் தாய் ஷமிமாவும், இஷ்ரத் ஜஹானோடு சேர்த்துக் கொல்லப்பட்ட ஜாவேத் ஷேக் என்ற பிரானேஷ் பிள்ளையின் தந்தை கோபிநாத் பிள்ளையும் இப்படுகொலை குறித்து சி.பி.ஐ. விசாரணை கோரி குஜராத் உயர் நீதிமன்றத்தில் வழக்குத் தொடுத்தனர். அவர்களது கோரிக்கையை ஏற்று இது உண்மையான மோதல் கொலைதானா என்று ஆராய்வதற்காக, தனது கண்காணிப்பின் கீழ் ஒரு சிறப்புப் புலனாய்வுக் குழுவை அமைத்தது, குஜராத் உயர் நீதிமன்றம்.

இச்சிறப்புப் புலனாய்வுக் குழு அமைக்கப்படுவதை ரத்து செய்யக் கோரி மோடி அரசு உச்ச நீதிமன்றத்தில் வழக்கு தொடுத்தது; அதனை உச்ச நீதிமன்றம் நிராகரித்தது. குஜராத் உயர் நீதிமன்றம் நியமித்த புலனாய்வுக் குழு இம்‘மோதல்’ கொலை தொடர்பாக 240 சாட்சிகளை விசாரித்தது. அந்நால்வரும் ‘மோதலில்’ கொல்லப்பட்ட விதம் குறித்து குஜராத் போலீசு கூறியிருந்தவற்றை மூன்று முறை அப்படியே நிகழ்த்திப் பார்த்து, இது போலி மோதல் கொலைதான் என ஒருமனதாக முடிவுக்கு வந்தது. இந்த அறிக்கையின் அடிப்படையில் இப்படுகொலையைத் திட்டமிட்டு நடத்திய 21 போலீசு அதிகாரிகள் மீது வழக்குப் பதிவு செய்யவும், இப்படுகொலையின் மற்ற பின்னணிகள் குறித்து விசாரிக்கவும் உத்தரவிட்டுள்ளது, குஜராத் உயர் நீதிமன்றம்.

இஷ்ரத் ஜஹான் படுகொலை பற்றிய சிறப்புப் புலனாய்வுக் குழுவின் இந்த அறிக்கை, மோடி அரசை மட்டுமல்ல, மத்திய அரசையும் அம்பலப்படுத்தியிருக்கிறது. ஏனென்றால், “அந்நால்வரும் லஷ்கர் இ தொய்பா அமைப்பைச் சேர்ந்தவர்கள்; குஜராத்தில் பயங்கரவாத தாக்குதல்களை நடத்த வருகிறார்கள்” என மோடி அரசுக்கு உளவுத் தகவல் கொடுத்தது ஐ.பி என்ற மைய அரசின் உளவுத்துறைதான். தற்போது இது போலி மோதல் கொலை என்று நிறுவப்பட்டுவிட்ட போதிலும், “நடந்ததது போலி மோதல் கொலையாக இருக்கலாம். ஆனால், கொல்லப்பட்டவர்கள் நால்வரும் தீவிரவாதக் கும்பலைச் சேர்ந்தவர்கள் என்ற மத்திய உளவுத்துறையின் தகவலை உயர் நீதிமன்றம் மறுத்துவிடவில்லை” என்று கூறி மோடி அரசுக்கு முட்டுக் கொடுக்கிறார், மைய அரசின் முன்னாள் உள்துறைச் செயலர் ஜி.கே.பிள்ளை. அது மட்டுமின்றி, “இஷ்ரத் ஜஹான் பல விடுதிகளில் வெவ்வேறு ஆண்களோடு சேர்ந்து தங்கியிருந்ததாக”க் கூறி அப்பெண், ‘நடத்தை கெட்டவள்’ என்று சித்தரிப்பதன் மூலம் உளவுத்துறையை நியாயப்படுத்த நரித்தனமாக முயன்றுள்ளார்.

இஷ்ரத் ஜஹானின் குடும்பம் இப்பொழுது தானே மாவட்டத்திலுள்ள மும்ப்ரா பகுதியில் குடியிருந்து வருகிறது. இஷ்ரத்தின் சகோதரன் அன்வரைத் தவிர, அவரின் குடும்பத்தைச் சேர்ந்த யாரும் பள்ளிப்படிப்பைக்கூட முடிக்க முடியாமல் இடையில் நின்றுவிட்டார்கள். அதற்கு அக்குடும்பத்தின் வறுமை மட்டும் காரணமில்லை. குற்றச்சாட்டை நிரூபிப்பதற்கு முன்பாகவே, இஷ்ரத் முசுலீம் தீவிரவாதி என முத்திரை குத்தப்பட்டுவிட்டதால், அக்குடும்பம் சமூகத்துக்கு அஞ்சி ஒதுங்கி வாழும் நிலை ஏற்பட்டுவிட்டது. இஷ்ரத் சுட்டுக் கொல்லப்பட்ட பின் அவரது குடும்பம் கடந்த ஏழாண்டுகளில் ஐந்து முறை வீடு மாற வேண்டிய நிர்பந்தத்துக்கு ஆளாகியிருக்கிறது. “இத்தீர்ப்பு வரும் வரை நாங்கள் நரக வேதனையை அனுபவித்தோம்” என்கிறார், இஷ்ரத்தின் தாயார் ஷமிமா. வறுமையோடு அக்குடும்பம் போராடுவதைப் பார்த்தாலே, இஷ்ரத்தின் மீது அவதூறு செய்வதற்கு யாருக்கும் நா எழாது.

குஜராத்தில் நடக்கும் மோடியின் ஆட்சியை அலசிப் பாரத்தால்தான் இஷ்ரத் ஜஹான் மீது சுமத்தப்பட்டுள்ள குற்றச்சாட்டின் பின்னணியையும், அதன் பரிமாணத்தையும் புரிந்துகொள்ள முடியும். குஜராத் இனப்படுகொலை நடந்துமுடிந்த அடுத்த ஆண்டு, மார்ச் 26, 2003 அன்று மோடிக்கு நெருக்கமானவராக இருந்தவரும், அவரது அரசில் வருவாய்த்துறை இணை அமைச்சராக இருந்தவருமான ஹரேன் பாண்டியா மர்மமான முறையில் நடுவீதியில் காருக்குள்ளே இறந்துகிடந்தார். ஹரேன் பாண்டியா முசுலீம் தீவிரவாதிகளால் சுட்டுக் கொல்லப்பட்டதாகப் பீதி கிளப்பிய மோடி அரசு, இவ்வழக்கு விசாரணையை சி.பி.ஐ.யிடம் ஒப்படைத்து நடுநிலை நாடகம் ஆடியது. இப்படுகொலை தொடர்பாகக் கைது செய்யப்பட்ட 12 முசுலீம்களையும் கீழமை நீதிமன்றம் பொடா சட்டப்படி தண்டித்தது. எனினும், குஜராத் உயர் நீதிமன்றம், அந்த 12 பேர் மீதான குற்றச்சாட்டுகளுக்கு ஆதாரமில்லை எனக் கூறித் தண்டனையை ரத்து செய்துவிட்டது.

ஹரேன் பாண்டியாவைக் கொன்றது யார் என்ற மர்மம் இன்னும் விடுவிக்கப்படவில்லை என்றாலும், மோடி கும்பலுக்கு நெருக்கமானவனும் இராசஸ்தானிலுள்ள கிரிமினல் கும்பலைச் சேர்ந்தவனுமான சோராபுதீனுக்கும் பாண்டியாவின் கொலைக்கும் தொடர்பிருக்கலாம் என்ற சந்தேகம் வலுவாக எழுந்துள்ளது. 2005 ஆம் ஆண்டில் இந்த சோராபுதீன் குஜராத்திற்குக் கடத்தி வரப்பட்டு, அம்மாநில போலீசாரால் போலி மோதலில் கொல்லப்பட்டான். சோராபுதீனோடு சேர்த்துக் கடத்தப்பட்ட அவரது மனைவி கவுசர் பீ விஷ ஊசி போட்டுக் கொல்லப்பட்டார். ஹரேன் பாண்டியா கொலையில் தொடர்புடையவனும்; சோராபுதீன், அவரது மனைவி கவுசர் பீ கொலைகளின் சாட்சியாகக் கருதப்படுபவனும் சோராபுதீனின் கூட்டாளியுமான துளசிராம் பிரஜாபதி 2006 ஆம் ஆண்டு குஜராத் மாநில எல்லையருகே போலி மோதலில் கொல்லப்பட்டான். சோராபுதீன் மற்றும் பிரஜாபதி கொலைகளைப் பற்றி அறிந்திருந்த மற்றொரு சாட்சி அஜம் கானைச் சுட்டுக் கொல்ல நடந்த முயற்சியில் அவன் நல்வாய்ப்பாகத் தப்பிவிட்டான். அதன் பின் அஜம் கான் உயிர் பயம் காரணமாக சோராபுதீன் கொலைவழக்கில் பிறழ்சாட்சியாக மாறினான். இந்தப் பின்னணியில்தான் இஷ்ரத் ஜஹான் உள்ளிட்ட நால்வரின் படுகொலையையும், அவர்கள் தீவிரவாதிகளாகச் சித்திரிக்கப்படுவதையும் வைத்துப் பார்க்க வேண்டும்.

இஷ்ரத் ஜஹான் படுகொலையைப் போலவே, சோராபுதீன் கொலையும் போலி மோதல்தான்என்பது நிரூபணமாகி, அதில் தொடர்புடைய டி.ஐ.ஜி. டி.ஜி. வன்சாரா, உதவி ஆணையர் நரேந்திர அமின் உள்ளிட்ட போலீசு அதிகாரிகள் விசாரணைக் கைதிகளாகச் சிறையில் அடைக்கப்பட்டுள்ளனர். இந்த போலீசு அதிகாரிகள் கும்பல்தான் இஷ்ரத் ஜஹான் உள்ளிட்ட நால்வரையும் போலி மோதலில் கொன்றொழித்தது. சோராபுதீன் கொலையில் தொடர்புடைய, மோடி அரசில் அமைச்சராக இருந்த அமித் ஷா பிணையில் வெளியே வந்துவிட்டாலும், அவர் குஜராத்திற்குள் நுழையக் கூடாது என உச்ச நீதிமன்றம் கட்டளையிட்டுள்ளது.

ஹரேன் பாண்டியாவின் கொலையில் அரசியல் பின்னணி உள்ளது என்று அவரது தந்தையே குற்றம் சாட்டி வந்தார். ஹரேன் பாண்டியா, குஜராத் இனப்படுகொலை தொடர்பாக மக்கள் நீதிமன்றம் என்ற அமைப்பு நடத்திய விசாரணையில், அப்படுகொலையில் மோடிக்கு உள்ள பங்கு குறித்து சாட்சியம் அளித்ததுதான் பாண்டியாவின் கொலைக்கான அரசியல் பின்னணி. இது போலவே, குஜராத் இனப்படுகொலை வழக்குகளுள் ஒன்றான நரோடா பாட்டியா வழக்கின் முக்கிய சாட்சியான நதீம் அகமது சையதும் மர்மமான முறையில் படுகொலை செய்யப்பட்டுள்ளார். குஜராத் இனப்படுகொலையில் மோடி மற்றும் அவரது அரசின் பங்கு குறித்து அம்பலப்படுத்த முன்வந்துள்ள போலீசு அதிகாரிகளான சஞ்சீவ் பட், ராகுல் சர்மா உள்ளிட்ட பலரை, சாமானியர்களைப் போலப் போட்டுத் தள்ள முடியாததால், அந்த அதிகாரிகளைத் தற்காலிகமாகப் பதவி நீக்கம் செய்வது, பொய் வழக்குப் போடுவது என மிரட்டி வருகிறது, மோடி கும்பல்.

குஜராத்தை ஆண்டு வரும் மோடியின் தலைமையிலான கிரிமினல் கும்பல் எத்தனை கொடூரமானது என்பதை இந்த விவரங்களிலிருந்து யாரும் புரிந்து கொள்ளலாம்; அக்கிரிமினல் கும்பலின் தலைவனான நரேந்திர மோடியை அப்பழுக்கில்லாத உத்தமனாகவும், பிரதமர் பதவிக்குத் தகுதியுள்ளவனாகவும் முன்னிறுத்து கின்ற பத்திரிகைகள், தரகு முதலாளித்துவக் கும்பலின் யோக்கியதையையும் புரிந்து கொள்ளலாம்.

இஷ்ரத் ஜஹான் என்ற இளம்பெண் படுகொலை செய்யப்பட்டுவிட்டாள். அவள் தீவிரவாதியா, இல்லையா என்று விசாரணை நடக்கிறது. மோடி என்ற இந்து மதவெறிக் கொலைகாரனைத் தண்டிப்பதற்குத் தேவைக்கும் அதிகமான ஆதாரங்கள் குவிந்து கொண்டிருக்கின்றன. தண்டனைதான் தள்ளிப்போய்க் கொண்டிருக்கிறது.

-நன்றி புதிய ஜனநாயகம் ஜனவரி 2012